Весна-Бејби се соочи самата со себе: Им влезе без да се соблече, а излезе без да им плати (ФОТО)

Таа една од најпопуларните македонски актерки, воедно и радио и ТВ водителки… напиша и еден вид сопствена автобиографија, ја знаат како голем хуманист, борец за човековите права, љубител на животните и борец за нивните права… Со еден збор, Весна Бејби Петрушевска е мултипрактик! Една од ретките жени која стои исправено пред сите предизвици! Таа има секогаш нешто да ви каже. Ќе ве насмее, ќе ве расплаче, ќе ве испрати со љубов…

И кај неа се’ е некако превртено, а сепак на свое место. Кога дозна дека не може да има деца, реши да ги има и сега ги има и тоа не едно, туку две, разведена е, а сепак е во брак и тоа цели 25 години… Се прашувате како тоа? Епа, така! Таа на 13 март 2019 гослави својот брачен јубилеј: 25 години во брак… со МНТ!  А и вие можете да бидете во друштво со неа барем една вечер иако можеби лично не ја познавате. Едноставно, појдете на премиерата на нејзината нова  претстава “Влези не се соблакај” на истиот тој 13-ти март во МНТ и поминете си незаборавна вечер со неа.

Ах , да, ние да се вратиме на она… превртеното, кај Бејби! Ако добро паметите и автомобилот и беше превртен, и заврши среде  Скопје во водите на Вардар. Потоа и сметките за струја Бејби тргна да ги плаќа нуркајќи по нив во џипот… Се’ додека не ја предупредија дека може и поинаку.

И Бејби реши да им влезе… И тоа без да се соблече! А уште пред самиот влез се соочи со… самата себе! Па реши да се фотографира: Селфи е, ама не е… а нели кај неа е се поразлично, па и селфито. Селфи ала…  Me, Myself anad I“. Нема појако, отколку кога ќе се сликаш самиот со себе, наместо самиот себе си! А тие „сиротите“,  мислеа дека сметка ќе им плати. Како не бе…

Така им е кога решија да им ги простат сметките на старите должници. Па, џабе ли оној пат Бејби нуркаше во Вардар по фактурите за струја?