Мислите дека конзумирате премногу алкохол или шеќер? Доволно е да се погледнете во огледало!

Се вели дека очите се огледало на душата, но и самото лице може да открие многу за нас. Имено, понекогаш е доволен само поглед за да се знае дека човек консумира прекумерна количина на алкохол и/или шеќер.

Ова не е изненадувачки бидејќи нашата кожа ја одржува состојбата на нашето тело. Ако се храниме здраво, останеме на отворено и практикуваме доволно физичка активност, нашата кожа ќе блесне. Меѓутоа, прекумерното внесување на штетни материи доведува до промена на нејзиниот изглед.

Шеќерот, алкохолот, глутенот и млекото можат да предизвикаат верижна реакција во нашето тело. Имено, овие намирници ја ослабуваат цревната флора. Како резултат на тоа, цревата не успеваат да извлечат доволно хранливи материи од храната и се јавува воспаление, кое е видливо во форма на мозолчиња и дамки. Лаички кажано, на телото му недостасува „градежен“ материјал за создавање на нови клетки на кожата, кои се обновуваат на секои четири до шест недели.

Се разбира, не можеме на секое мозолче или нова дамка да гледаме како на дефицитарна диета. На изгледот на нашата кожа негативно влијаат и гените, стресот, недостатокот на сон како и УВ зраците.

Експертите ги разликуваат таканаречените шеќер, алкохол, глутен и млечно лице, односно во зависност од прекумерното внесување, на лицето се појавуваат одредени симптоми.

Шеќерното лице се манифестира со темни кругови под очите, тенка и бледа кожа, болни воспалителни процеси на лицето или болни мозолчиња. Брчките на челото се повидливи.

Алкохоличното лице може да се препознае по спуштени очни капаци, брчки меѓу веѓите, тенки брчки под очите, изразени брчки околу носот и црвеникава кожа.

Глутенското лице има полни образи со црвени дамки, изразени мозолчиња на челото и дамки на брадата.

Млечното лице се карактеризира со отечени очни капаци, мозолчиња по целото лице, зголемени акни на брадата, бледи образи и големи и истакнати темни кругови.

Здравата и разновидна исхрана е важна за одржување на здравјето на вашето тело, а здравото тело блеска и однадвор.

Извор: Попара