Васил Зафирчев за неговата улога во „Преспав“: „Марио е како мачка, се појавува кога најмалку очекуваш“

Неодамна започнаа снимањата на четврата сезона на „Преспав“ која ќе започне да се емитува во декември на првиот канал на Македонската Радио телевизија, а емисиите ќе бидат достапни и на каналот на „Јутуб“.

Васил Зафирчев кој ја играше улогата на готвачот Марио во интервју за „7дена.мк“ вели дека со нетрпение очекувал да се врати на снимањата.

Исто како и огромната армија верни фанови и екипата со нетрпение го очекуваше снимањето на четвртата сезона на „Преспав“, особено заради тоа што со новите 20 епизоди ќе го одбележиме и јубилејот :100 снимени епизоди на најуспешната ТВ серија кај нас. Факт достоен за почит, но и за големо задоволство кај сите нас кои со љубов и посветеност ги создававме изминатите три сезони на серијата“ вели Зафирчев.

 

фото: Инстаграм

Тој открива дека ликовите ќе ги задржат своите карактеристики, но публиката може да очекува и одредени изненадувања.

Главните ликови на „Преспав“ го задржуваат својот препознатлив карактер и шарм со кои го градат комичниот ефект на серијата, но има одличен развој во сценаријата кои ја збогатуваат биографијата на ликовите и нивните меѓусебни односи, создавајќи нови комични ситуации и заплети. Големо изненандување за публиката ќе бидат и актерите кои ни гостуваат во пансионот. Публиката секако може да очекува многу смеа и забава во овие нови 20 епизоди на „Преспав“.

 

фото: Инстаграм

Што се однесува до неговиот лик, односно до ликот на готвачот Марио, Зафирчев вели:

Марио е како мачка во карактерот. Се појавува кога најмалку го очекуваш, прави заплет во ситуацијата, но на крајот секогаш се дочекува на нозе и го добива она што го наумил. Превртливоста и вештата манипулација остануваат негов заштитен знак. Биографијата на ликот е јасна и препознатлива, со таа разлика што во изминативе три сезони поднаучи и по нешто да зготви. Па така од медитеранска кујна со балкански шмек, полека стигна и до комбинации на азиска и балканска кујна. Во оваа четврта сезона главен фокус на ликот е да ги преживее турбулентните промени, да ја зачува својата позиција, но и веќе изградените односи со другите ликови од пансионот, вели Зафирчев за „7дена.мк“.

Васил потенцираше дека можел да работи на снимањата без пауза.

– Се радувам ако се препознава тоа. И не само заради внимателно избраниот состав на екипата, посветеноста и високите професионални стандарди во работата, туку пред се заради меѓусебната љубов и почитување, заради кои „Преспав“ стана фамилија. А со луѓе кои ги чувствувате блиски како фамилија, можете да работите до крајот на животот.

фото: Инстаграм

Меѓутоа, кога екипата не снима и прави паузи го користи моментот да ужива и да се шегуваат, забавуваат, но и да ги овековчат заедничките моменти со некоја фотографија.

Така неодамна Тијана ги снимаше своите колеги додека чекаат да почнат со снимање, па откри каква атмосфера владее во пансионот.

https://arhiva.vistina.com.mk/radio-mileva/zad-kamerite-izgleda-porazlichno-tijana-dapchevikj-gi-snimashe-kolegite-i-pokaza-kakva-atmosfera-vladee-vo-prespav/

Деновиве, Зафирчев на социјалните мрежи објави заедничко селфи со неговите односно со Горан Стојановски кој ја играта на инспектор Томе и Дритон Вејсели кој стана еден од омилените актери со ликот на рецепционерот Талат.

„Рецепција – кујна – инспекција“ напиша Васил под заедничката фотографија.

фото: Инстаграм

Какви изненадувања, новитети и се што не очекува во четвртото продолжение, останува да почекаме да дојде декември.

За потсетување, „Преспав“ ќе се емитува и во Бугарија.