Во Анталија, Турција се одржа изборот за Кралица на Евроазиja (Queen EURASIA 2023). Нашава држава ја претставуваше 17годишната Мелани Трајковска од Делчево која успеа да ја освои титулата Кралица на модата (Queen of fashion).
Победничка на изборот е претставничката на Украина. Ова е уште една од низата титули кои девојките од Модното студио Црнокрак ги освоија оваа година на интернационалните избори за убавина кои се одржуваа ширум целиот свет и уште еднаш потврдија дека се вистински амбасадори на македонската убавина кај и да се појават.
На изборот учествуваше уште една девојка од Модното студио Црнокрак, 20-годишната Љубица Блажеска од Струга која исто така направи убав успех со пласманот во финале, меѓу најубавите 10 девојки.
Изборот се одржа во прекрасниот CESAR TEMPLE DE LUXE хотел во Белек-Анталија, каде девојките беа сместени и се подготвуваа за финалниот избор.
Во жирито кое одлучуваше за тоа кои девојки кје добијат титули се најде и нашата Сандра Стефановска, која беше победничка на овој избор 2017 – та година.
Поврзани вести
Матеа Христовска стана Miss Best Body на изборот „World Next Top Model 2023“ во Бејрут
Нашата Моника Црнокрак е избрана за најфотогенична девојка на изборот за „Мис на Европа 2023“
