Гитаристот на британската група Massive Attack Анџело Брусини почина на 62-годишна возраст од рак на белите дробови, соопшти бендот.
„Исклучително брилијантен и ексцентричен талент. Невозможно е да се опише неговиот придонес во опусот на Massive Attack, се вели во соопштението на членовите на бендот од Бристол.
RIP Angelo 🤍
A singularly brilliant & eccentric talent. Impossible to quantify your contribution to the Massive Attack canon.
How lucky we were to share such a life together. pic.twitter.com/btSqYQnOoM— Massive Attack (@MassiveAttackUK) October 24, 2023
Анџело Брусини, кој е роден во Бристол, се приклучил на познатиот бенд во средината на деведесеттите.
Пред да започне да свири гитара во Massive Attack, основана во 1989 година, Брусини свиреше со други групи, како што се „The Numbers“, „Rimshots“ и „The Blue Airplane“.
Во јули, музичарот на социјалните мрежи напиша дека боледува од рак на белите дробови.
„Имав одличен живот, го видов светот многу пати, запознав толку многу прекрасни луѓе, но вратата полека се затвора и мислам дека ќе напишам книга…“, напиша тој.
