Таа негогаш ги красеше насловните страници на Плејбој, се разведе, остана без пари и денес работи како таксист (фото)

Нанет Хамонд ги замени фотосесиите за насловните страници на Плејбој со возење такси.

Нанет Хамонд неколку години работеше како зајачица на Плејбој, а 6 пати ги красеше насловните страници на истоименото списание. Сепак, по разводот таа реши да направи целосен пресврт во кариерата.

Решила да работи како таксист и да се откаже од Плејбој.

Како што можете да видите од неа, таа обожава пластични операции, а за нив потрошила околу 350.000 евра. Меѓутоа, по разводот останала без пари. Како што вели, спиела во гарсоњера и сфатила дека мора да стекне финансиска стабилност.

– Сега сум тука и работам како таксист. Размислував за тоа некое време бидејќи немав автомобил повеќе од една година, мојот поранешен сопруг ми ги зеде сите автомобили. Сакам да возам и ќе ви кажам дека ова е забавно. Сите што ќе ги земам го кажуваат истото… Никогаш не виделе пожежок возач од мене. Најсмешното нешто во сето тоа е тоа што кога ќе застанам, буквално сите велат: „О Боже, не очекував да изгледаш така“ или „Толку си жешка“ и такви работи“, објаснува Нанет од Синсинати.

Својата работа ја смета за терапевтска, бидејќи сака да комуницира со луѓе од различни општествени слоеви. Мајката на шест деца 17 години не платила ниту една сметка, благодарение на својот богат сопруг, но како што вели, работата како таксист и дала нова перспектива. Таа сака да биде инспирација за жените.

– Заработката е добра, добивам голем бакшиш и досега не сум имала проблеми. Сите се толку дружељубиви и љубезни и има толку многу добри луѓе. Едноставно е одлично искуство да возиш луѓе, да запознаваш нови – вели Нанет, која шестпати ја краси насловната страница на Плејбој и која сака да ги охрабри другите жени да бараат работа на полиња каде што претежно се вработени мажи.

– Тоа е одлично искуство, можеш да заработиш многу пари. Можеби ја поставувам лентата за повеќе жени кои сакаат да се занимаваат со оваа работа. Можете сами да си поставите работно време, можете да одите и на семејни настани бидејќи можете да застанете и да одите каде што сакате. Сам си правите распоред, што е прилично неверојатно, а еден од плусовите е тоа што немате никој „над глава“. Вие едноставно можете да бидете тоа што сте. Ова е моето патување сега и го сакам. Ќе видиме до каде ќе стигне – истакнува поранешната зајачица.

фото:instagram printskreen/nannettehammondloschiavo