Скандалозната кралица на селските панаѓури Весна Вукелиќ Венди сакаше да ја промовира својата прва книга во црква: Верниците збудалеа, па едвај ја спречија!

Весна Вукелиќ Венди, кралицата на скандалите, селските панаѓури и реалните шоуа, ја закажа промоцијата на својата прва книга „Тајната на црната жена“ во парохискиот дом на црквата Свети Архангел Гаврил во Белград, но под притисок на верниците, овој настан на крајот беше откажан.

Промоцијата требаше да се одржи на 17 ноември во 18 часот. Иако настанот е откажан, се уште не е официјално познато кој дозволил да се промовира ова писание во верски објект. Вукелиќ истакнува дека првично добила дозвола од црквата таму да ја одржи промоцијата, но на крајот, додава, имало голем притисок, па настанот бил откажан.

„Вчера добив информација дека ова се откажува. Имаше голем надворешен притисок врз црквата, не знам кој го направи тоа, но успеаја да го откажат настанот. Промоција сигурно ќе има, но во друг објект во Белград, а подоцна и во другите градови“ – вели Венди.

Таа додава и дека книгата што ја напишала е роман, вистинска нејзина автобиографија.

„Темата на романот е судирот на доброто и злото, односно судирот на магијата и православието, кои никогаш не можат да се судрат, но кога живееме со децении во комунизмот (дел од романот опишува настани од 80-тите), мнозинството всушност доаѓа од тој период. Прво се пишува во сегашноста, потоа оди во минатото, па се враќа во сегашноста. Кога ќе се случи комунизмот, како безбожност, како атеизам, па направи  луѓето повеќе да не се крстат, да не слават слави и верски празници,  тогаш магијата лесно го уништува семејството.

Во романот ја раскажав вистинската приказна за тоа како првата вештерка од градот Белград живеела на мојот кат и ме киднапирала кога имав пет години. Таа ме извлече од лифтот и ме донесе кај неа, а што се случи потоа, какви битки се водеа, пишува во книгата“ – додава Венди.

Фото: Инстаграм принтскрин/vesnavukelic