Фолк пејачката Ирена Спасовска сакајќи да се пофали, со „несолена шега“ ги распамети пријателите и сите што ја познаваат.
Имено во време кога Омикрон сојот на коронавирусот го достигнува својот пик уривајќи рекорди по заразеност и смртност во Македонија, пејачката сакала да ја употреби реториката која се користи кога е заразата во прашање, за да си го изрекламира карактерот, поточно личноста… И тоа онака, како што таа самата себеси се доживува, па со истиот фонд на зборови се обидела да се пофали, арно ама… Работата за малку ќе излезеше од играчка – плачка.
Имено, русокосата фолкерка на ѕидот на својот Фејсбук профил со емотикони на итност и предупредување, споделила соопштение кое едни ги загрижи и распамети, други пак ги збуни, трети ги насмеа… Но, сите помалку ги зачуди, зашто шегата со тие зборови, колку и да случајна и непромислена, во овие несреќни времиња се граничи со „црн хумор“!
„ИТНО ….ИТНООО
Секој кој бил во контакт со мене во последните 10 дена, треба се тестира задолжително…Имам симптоми неколку дена и тоа е веќе потврдено…
Многу ми е жал.
Дијагноза: неодолив шарм, насмеанa, забавна, дружељубива, културна, малку зафркната, а се тоа е многу заразно… Ви благодарам на вниманието!“ – напишала пејачката во „шеговитата објава“, која секој различно ја протолкува.
Ако е колу за шега – нека е, но, мора да се внимава во секоја шега да не се „забега“. До душа, смеењето е здраво и заразно, но само доколку некој не го протолкува за… „безобразно“! Како во случајов, кога „несолената шега“ на Ирена некому му предизвикала нервоза, па нејзиниот смисол за хумор го протолкувал како… „дијагноза“!
Фото: Инстаграм и Фејсбук принтскрин/Irena Spasovska