Игор Џамбазов ни го честиташе 9-Мај, денот на победата над фашизмот… Нам, на „администраторите“, а и на оној што окупаторите така ги нарече!

Македонскиот шоумен Игор Џамбазов уште оддамна како и секој свесен и осознаен македонски интелектуалец со патриотско срце и душа, не може ниту да им премолчи, ниту да им прости на Бугарите за она што ни го правеле и се’ уште ни го прават, ниту пак на оние што упорно ја туркаат вакавата агенда кај нас.

Но, ако мислите дека Џамбазов е „новокомпониран патриот“, се лажете… Како родољуб, како човек што си ја сака својата земја и народ, како вистински Македонец се раѓаш и тоа го носиш во себе, во генот… И нема цена која можат да ти ја понудат тоа да го смениш. Оние што тоа го прават, веројатно се родени со фелер… А тој ниту оддалеку таков не е!

Токму затоа покрај сите мудри мисли, пораки, цитати… кои речиси секојдневно Џамбазов ги споделува на своите профили на социјалните мрежи, не заборави да ја сподели важноста на денешниот ден, 9 Мај… Денот кога  се одбележува победата над фашизмот токму на 9 мај 1945 година, кога со капитулацијата на нацистичка Германија завршува Втората светска војна во Европа.

Арно ама, 78 години подоцна, злото очигледно се’ уште тлее, па повампирените идеи одново  се на менито на комшиските апетити, кои всушност никогаш и не престанале тоа да бидат.  Оти “с’штиот народ“ сме биле, нели??!

Токмуу затоа Игор Џамбазов „кочничарите на нашата европска перспектива“ реши да ги потсети на денешниот ден, и на овој 9-ти Мај, денот кога поразени беа вратени таму од каде и што дошле…

Со црно-бела фотографија од ослободувањето Џамбаз ги постетил во постот кои биле, што биле и на чија страна, саркастично пишувајќи:

„Нека ни е честит 9-ти Мај, денот на победата над администраторите“!!!

Патем, саркастично,  по теркот на онаа – народната: „Ти кажувам ќерко, сети се снао“ на големиот ден го потсети и оној што „админстраторите“ така срамно ги нарече – Зоран Заев, иако цел свет знае што биле и на чија страна, за време на Втората светска војна. Зашто, „с’што, не е баш като исто“!

Фото: Инстаграм и Фејсбук принтскрин/igordzambazov