Пејачката Јасна Миленковиќ Јами отворено проговори за насилството кое го доживеала на училиште. Била многу успешна гимнастичарка, а децата ја гледале со презир и љубомора, па ја малтретирале физички и психички. Токму за ова разговараше во „Пулсот на Србија“ со водителот Иван Гајиќ, спомнувајќи дека тоа се производи на родителите, но дека честопати замижуваат и ја туркаат деликвенцијата под тепих.
– Имав проблеми во основното училиште, бидејќи целата институција беше украсена со мои слики, бидејќи во младоста бев четирикратен државен првак и извонредна гимнастичарка. Децата се многу сурови, а кога се такви, тие се вистински садисти. Тоа е љубомора, не можат да поднесат некој да е над нив. На училиште трпев и физичко и психичко насилство. Додуша, не се виновни децата, зад секое лошо дете стои родител – рече Јами, па продолжи:
– Мора да се воведат построги казни. Можеби имаме добар закон, но нема кој да го спроведува. Дефинитивно мора да работиме на тоа, бидејќи веќе е претерано и децата се изложени на ризик. Никој не се занимава со нив во однос на вистинската заштита. Каква пакост, од мали нозе се гледа кој ќе биде деликвент, ама затвораш очи и го туркаш под тепих.
