Да ја пронајдете личноста што ќе ја сакате, но вашата мајка да не го одобрува тој човек, може да биде навистина болно чувство. Кога ќе се случи тоа, нормално е да помислите дека мајка ви не се грижи за вашата среќа или не може да ве разбере. Но, кога ќе размислите подобро, ќе сфатите дека таа ве сака повеќе од сè друго. Во најголемиот број случаи, подобро е да ја послушате вашата мајка ако таа не го одобрува вашето ново момче, а еве и зошто.
Кога сте заљубени, не можете да размислувате правилно
Заљубеноста може да ве доведи до донесување лоши одлуки. Кога некоја личност е заљубена, нејзиното размислување е замаглено и не е во можност да размислува правилно. Освен тоа, мајките имаат најсилна врска со своите ќерки и знаат кога нивното дете е во опасност.
Наместо да се расправате, обидете се да размислите од нејзината перспектива
Од вашето раѓање, сè до растењето на личноста што сте сега, вашата мајка отсекогаш била тука за вас и таа го сака само најдоброто за вас. Таа се плаши дека можеби ќе бидете во врска со некој лош човек што ќе ви го скрши срцето, па поради тоа сака да ве заштити.
Инстинктот на мајката е неверојатно моќен
Ако таа рече дека има лошо чувство, можеби станува збор за нејзиниот мајчински инстинкт, што најчесто е точен. Освен тоа, не заборавајте дека и вашата мајка била млада девојка која поминала низ лоши врски и болни раскинувања и затоа не сака и вие да бидете во таква врска поради која ќе страдате подоцна.
Таа мисли дека заслужувате подобро
За мајката, нејзиното дете е најскапоценото нешто на светот. Вие можеби не ја гледате својата вредност, но вашата мајка знае дека сте неверојатна личност. Нејзината причина за неодобрување на вашето момче може да биде поради тоа што таа верува дека заслужувате подобро. Ако сте сигурни дека вашиот партнер е вистинскиот за вас, обидете се да се смирите и да ѝ кажете на вашата мајка дека тој е добар и ве прави среќна. Ако и таа го сфати тоа, нема да сака ништо друго освен да бидете среќни.
извор:кафепауза.мк
