Кулминацијата не е секогаш лесна за постигнување и понекогаш е потребен напор, особено кога станува збор за искуства што сè уште не сте ги доживеале. Зачинете го вашиот сексуален живот, играјте со вашиот партнер и уживајте
1. Клиторален оргазам
– Најчестиот и наједноставниот начин да се постигне оргазам е преку клиторисот и тој е обично првиот што го доживува жената – вели Ванеса Марин, сексуална терапевтка и креатор на онлајн курсот за женски оргазми “Finishing school”.
2. Оргазам во Г – точката
Графенберговата точка, попозната како Г-точка, е ерогена зона на вагината со чија стимулација може да се постигне оргазам и ејакулација кај жените. Се наоѓа по должината на внатрешниот вагинален ѕид или горниот ѕид ако жената лежи на грб, но нејзината позиција може да варира. Г-точката е сунѓерест и погруб дел, најчесто со ребраста структура.
– Извршете мала нужда претходно за да не се воздржувате од кулминација, бидејќи стимулацијата на Г-точката може да доведе до чувство на потреба за мокрење и ејакулација на жената. Ако постигнете оргазам со вашиот партнер, пронајдете ја идеалната позиција што ја стимулира Г-точката, а најчесто тоа е кучешката поза – вели Ејми Левин, советничка за секс.
3. Мешан оргазам
– Таквите оргазми се комбинација на стимулација на клиторисот со некој друг. Таков оргазам може да се постигне ако истовремено се фокусирате на клиторисот и Г-точката или брадавиците. Можете исто така да вклучите стимулирање на други области што ви одговараат, како што се ушниот лобус или анусот. Ова ги зголемува шансите да постигнете мешан оргазам – вели сексуалната терапевтка.
4. Анален оргазам
– Постојат заеднички нерви од предниот ѕид на ректумот до вагината, така што сексуалното возбудување се постигнува со стимулирање на ректумот – велат сексуални терапевти и додаваат дека најдобро се постигнува со стимулација во правец на папокот и стимулација на Г-точката. На тој начин, имате иста способност да ја стимулирате таа централна нервна област и не заборавајте да започнете полека и со многу лубрикант.
5. Оргазам во Ц – точката
Ц-точката е грлото на матката и вклучува нервни завршетоци лоцирани во грлото на матката и околу матката. Работата е во длабоката пенетрација. Секако, сè зависи од тоа дали ви одговара и колку е партнерот „надарен“. Ако сè уште не сте го направиле тоа, најдобро е прво да истражите сами.
6. Брадавици
Некои жени можат да доживеат оргазам само со стимулација на брадавиците. Според студија објавена од магазинот Men’s Health, од 213 жени, дури 29 проценти од нив изјавиле дека доживеале оргазам во одреден момент од животот само со стимулирање на брадавиците.
Препорачува експериментирање со областа веднаш над ареолата, за која многумина сметаат дека е најчувствителна на допир. Започнете со надворешните рабови и полека заокружете кон средината. Можете исто така да ја вртите брадавицата помеѓу палецот и показалецот.
7. Корегазам
Се јавува преку вежбање, односно поради физичка активност. Не е нешто што може да се научи, туку се смета дека е вродено. Оние кои го доживуваат тоа го сметаат повеќе за неповолност отколку за предност.
8. Фантазиски оргазам
Може да го постигнат многу мал број луѓе, и сето тоа е во главата. Силата на умот над нашата сексуалност е толку силна што некои дури можат да ја достигнат кулминацијата само со фантазија. Значи, нема допирање, само фантазирање. Се постигнува со визуелизација на сценарија и реакции на телото во комбинација со вежби за дишење. Фокусирајте се на вашите најсекси можни сценарија и потопете се во нив замислувајќи го допирот и атмосферата.
9. Оргазам во сон
Секој може да доживее оргазам во сон. Оргазмот се случува во мозокот, а мозокот е доста активен ноќе. За жал, невозможно е да се влијае врз него. Тие се забавни кога ќе се случат, но ништо не можете да направите за да ги создадете.
10. Женска ејакулација
– Дали знаевте дека женската ејакулација е технички целосно засебен процес од оргазмот? Се постигнува без или со оргазам – според сексуалниот терапевт. „Шприцањето“ честопати е дел од фантазијата затоа што најчесто се гледа во порнографијата.
„Запомнете дека кај повеќето жени, сексот започнува во мозокот“, вели Тејлор Спаркс, еротска едукаторка и основач на OrganicLoven.com.
– Започнете го менталното заведување порано во текот на денот. Кога ќе дојде време да се „загрее“ атмосферата, фокусирајте се на клиторисот, а потоа на точката Г. Како што се зголемува притисокот, ќе се чувствувате како да треба да уринирате – тогаш е време да ги користите карличните мускули, објаснува Спаркс.
– Не ги стискајте, туку исфрлете ги, како да исфрлате урина. Потребна е пракса, но може да се направи. И запомнете: Нема навистина да уринирате – советува тој.
11. Повеќекратен оргазам
Жените имаат среќа и имаат можност да доживеат повеќе оргазми по ред. Во тоа име, обидете се и не заборавајте да се забавувате додека го правите тоа, пишува Women’s Health.
извор:попара.мк
