Секоја личност заслужува партнер кој ќе ги сака, почитува, ќе биде покрај неа кога е потребно, ќе прави се за да ја усреќи… Бракот, на крајот на краиштата, не е нешто што ги засега само партнерите, тој влијае на децата и остава трага во идните генерации.
Има некои работи во бракот за кои не треба да има расправии. Меѓу другото, има некои поголеми и помали работи кои секоја жена ги заслужува од својот сопруг, а во продолжение издвоивме неколку од најважните.
1. Секоја жена заслужува отворена, искрена и доследна комуникација од нејзиниот сопруг
Здравата комуникација, многупати повторивме, е суштинска за добар однос меѓу партнерите, а секоја жена заслужува ваква отворена, искрена и доследна комуникација од својот партнер.
Таа заслужува сопруг кој во сериозни ситуации е подготвен да го спушти мобилниот телефон, да го исклучи телевизорот… и да се впушти во сериозен разговор. Заслужува и сопруг кој ништо не крие и кој заедно со неа гради врска базирана на доверба, искреност и отворена комуникација.
Значи, не е важно само да се комуницира, важно е да се комуницира со разбирање.
2. Секоја жена заслужува физичка, емоционална и финансиска заштита од својот сопруг
Мажот треба да биде тој што ги брише солзите на сопругата, а не тој што ги предизвикува, освен ако не зборуваме за солзи радосници. Со својот сопруг секоја жена треба да се чувствува како најбезбедната личност на светот и да има некој кој е подготвен да се бори за своето семејство во секоја ситуација. Се разбира, важи и обратното.
3. Секоја жена го заслужува времето на нејзиниот сопруг (и квалитет и квантитет)
Се вели дека времето е пари, а секоја жена заслужува покрај себе да има сопруг кој е подготвен да инвестира во нејзиниот брак, а не само во начинот на поминување на времето дома. Бракот ќе биде среќен само ако времето поминато заедно е квалитетно.
Како заклучок, ова се три многу едноставни и многу суштински работи во секој брак. Секако, она што важи за едната страна важи и за другата, а она што треба да го имаат на ум и двете страни е дека бракот значи постојан труд, а хартиите кои се потпишани еднаш не значат дека се ќе биде лесно.
извор:попара.мк
