Дали љубовната врска е здрава и блиска или во неа постојат одредени проблеми, сето тоа може да се заклучи од позата во која спијат паровите…
Ви ги откриваме осумте најчести пози за спиење меѓу партнерите и што значат тие.
Свртени се со грб и се допираат
Оваа поза покажува дека и двајцата партнери се опуштени и удобно се чувствуваат во врската. Тоа е вообичаено во љубовните односи.
Свртени се со грб и не се допираат
Иако овој начин на спиење изгледа најмалку романтично, според едно истражување оваа поза е најчеста кај партнерите, веројатно затоа што е практична.
Оваа поза покажува дека партнерите се блиски, независни и се чувствуваат сигурно еден со друг, велат психолозите.
Ја зазеле позицијата „лажица“
Тоа е положба во која едниот партнер е свртен со грб, а другиот е „залепен“ за него (за неговиот грб) и го прегрнува. Оваа поза би можела да се нарече класична меѓу вљубените парови и покажува како едниот партнер е заштитнички настроен кон другиот.
Оваа поза е исто така многу сензуална. Меѓутоа, ако едниот партнер го „брка“ другиот по креветот, обидувајќи се да го прегрне одзади, а вториот секој пат се прегрнува, тогаш нешто не е во ред со врската, објаснуваат експертите за говор на телото.
Прегрнати се со раце и нозе, но…
Паровите кои спијат во оваа положба имаат тенденција да ги испреплетат нозете и рацете додека се свртени еден кон друг, но по околу 10 минути се раздвојуваат.
Тоа е компромис помеѓу интимноста и независноста, овозможувајќи го најдоброто од двата света. Истражувањата покажуваат дека околу осум проценти од паровите спијат вака.
Еден партнер доминира во креветот
Тоа изгледа отприлика вака – едниот партнер е распослан по целиот кревет (тој е доминантниот), а другиот е притиснат до работ бидејќи нема место. А секојдневието им е слично на начинот на кој спијат, едниот доминира, а другиот има секундарна позиција во врската.
Цела ноќ спијат со испреплетени нозе и раце
Ова може да значи дека партнерите не се независни, туку зависат еден од друг. Чувствуваат потреба цврсто да се држат заедно.
Партнерот ја потпира главата на градите на другиот
Оваа поза е почеста во свежи љубовни врски или во врски каде што страста и чувствата на интимност и љубов се повторно разгорени. Околу четири проценти од паровите спијат вака.
Свртени се еден кон друг, без да се допираат
Спиењето свртени со лице кон вашиот партнер може да укаже на емотивно напорна врска. Оваа поза ја покажува потребата за поголема интимност во животот и поблиска комуникација.
Извор: Попара.мк
