Половина српска естрада кога размислува за нова песна, без двоумење заминува правец кон Скопје.
Причината е бидејќи веруваат во вештината и искуството на плодниот македонски композитор Дарко Димитров, кој досега создаде бројни хитови за домашните и пејачите од регионот.
https://arhiva.vistina.com.mk/radio-mileva/po-severina-anastasija-luna-sega-i-nashata-bekvalac-na-gosti-vo-skopje-kaj-glavniot-majstor-po-parche-umetnost-foto/
Па така, со „проверени карти“ овој пат игра и победничката од минатата сезона на „Ѕвездите на Гранд“, Џејла Рамовиќ, која периодов беше почесто присутна на адресата кај Дарко Димитров во Скопје.
Младата надежна пејачка, покрај Дарко, за текстот на својот нов сингл одлучила да го пишува најпознатиот српски текстописец, Марина Туцаковиќ.
Од овој мега успешен тандем и гласот на талентираната Џејла, без сомнеж се очекува голем хит.
Освен тоа, Рамовиќ по се изгледа била соодушевена од Скопје, па спотот е снимен токму во нашиот главен град.
Премиерата на песната е закажана за 9-ти декември.
