Според статистиките, околу 75% од жените не доживуваат оргазам во текот на интимниот однос, a 10% воопшто не доживеале. Одвоивме неколку совети од експерти за секс, поврзани за оргазмот и како поинтензивно да го доживеете.
Ајде да почнеме со дефиницијата за оргазам. Тоа е чувство од интензивно задоволство кое се случува во текот на сексуална активност. Со стимулација на различни делови од телото може да доживеете оргазми кои се различни еден од друг.
Така, со стимулација на клиторисот, жените доживуваат клиторичен оргазам кој е најчестиот тип на оргазам кај жените, смета секс терапевтот Ијан Кернер, автор на „She Comes First“.
Вагинален оргазам при вагинална пенетрација доживеале 37 проценти од жените кои учествувале во истражување на Women’s Health. Тука ќе се надоврземе и за ерогените зони.
Најчестиот проблем на жените кои никогаш немаат оргазам е што самите не знаат што сакаат. Одговорот на прашањето мора самите да го откријат преку мастурбација, галење и допирање на телото. Тоа е единствениот начин да откриете кои подрачја ви се најчувствителни и кога ви е најубаво. Ако вие го знаете тоа, истото за вас ќе го дознае и партнерот па заемно ќе си пружите максимално задоволство.
Помогнете му на партнерот, директно кажете му што сакате и не се плашете да пробате нешто ново, како нова поза, нова локација, нова секс играчка.
Пред да преминете на пенетрација, пробајте стимулација на клиторисот, играње улоги, превез на очите и слично. Како секс пози во кои жените можат да доживеат поинтензивен оргазам се издвојуваат мисионерската поза со кренати колкови, обратна каубојка, мисионерска поза во комбинација со бавен секс и нежно галење и каубојка. Но, секоја жена е различна, затоа е важно да се менува позата.
Според сексуалната терапевтка Ванеса Марин, жените буквално треба да ја преземат работата во свои раце, да откријат самите на кој начин најдобро доживуваат оргазам во текот на пенетрација, а тоа е со стимулација на клиторисот. Ако сакате да доживеете оргазам мора да бидете активни и да ја преземете одговорноста за вашето задоволство, советува таа.
извор: кајгана
