Македонската пејачка Елена Миленковска е ремена. Оваа радосна вест таа ја сподели на социјалните мрежи вчера, 5 јануари 2020 година, во ист момент со двете роденденски честитки: Едната на нејзиниот сакан Гуте, и на нејзината мајка Слаѓана, инаку родени на истиот ден!
„5-ти јануари за мене отсекогаш имал посебно значење. Вовлечена во својот топол дом чекајќи го Бадник со моите најмили, покрај тоа го славевме и роденденот на мајка ми. Од денес е уште повеќе посебен. нека ти е среќен роденденот сродна душо моја, ти благородно, најквалитетно и волшебно суштество. Чест е да се биде твој доживотен партнер и идна мајка на твоето дете“ – напиша Елена на својот профил на Инстаграм, соопштувајќи ги трите радости во една честитка покрај роденденската фотографија со Гуте и тортата со свеќичката со бројот 28, каде пејачката го покажа и своето подпораснато трудничко стомаче.
Оваа вест бргу ја објавија и некои од српските медиуми, како и официјалната страница на музичкото талент шоу на кое се запознаа.
Според она што самата го изјави дека она што го носи во својот стомак сега тежи околу 300 грама, јасно е дека македонската пејачка е се’ уште во раната фаза од бременоста, а во моментов остана да живее и работи во Белград.
Инаку, Елена Миленковска со својот вереник и идниот татко на нејзиното дете, исто така пејач Александар Маринковиќ – Гуте се запознаа откако обајцата се натпреваруваа на регионалното музичко талент шоу „Ѕвездите на Гранд“. 
Дружењето и пријателството прераснаа во љубовна врска, која по пет месеци резултираше со веренички прстен, откако Гуте ја побара раката на Елена на нејзиниот роденден, а таа еве на наеговиот обзнани дека е бремена. Сега е се’ поизвесно дека двете распеани „Гранд ѕвезди“ наскоро ќе го објават и датумот на нивната свадба. Епа, нека е со среќа…!!!
https://arhiva.vistina.com.mk/radio-mileva/elena-milenkovska-za-rodenden-dobi-svrshenichki-prsten-namesto-torta-brachna-ponuda-foto/
