Мислите дека сè се одвива во најдобар ред. Кроите планови за иднината, имате практично совршена врска… кога одеднаш, целиот свет се урива врз вас.
Партнерот ви раскинува од „нигде никаде“… прашањето е – зошто? Зошто мажите им раскинуваат на добрите девојки без особени проблеми во врската?
Чувствува дека е под притисок и дека не е доволно добар за вас
Дали вие го „бркавте“ него на почетокот? Дали се трудевте секогаш малку повеќе? Дали баравте повеќе внимание, повеќе романтика, повеќе секс? Чувствувате ли дека вие бевте онаа која секогаш настојуваше да ги поправи работите во врската?
Доколку се препознавте во овие неколку категории во вашиот однос владеела нерамнотежа, а партнерот се чувствувал притиснат „во ќош“ и недоволно добар за вас. Но, важно е да знаете–ова не е ваша вина.
Поголемиот дел од мажите не можат да се соочат со емоционалниот притисок. Партнерот смета дека што и да направи, не е и никогаш нема да биде вреден и доволно добар за вас.
Голем дел од мажите радо би се затвориле во себе и би кренале високи ѕидови околу нив, отколку да се соочат со притисокот кој го чувствуваат и да разговараат со партнерката во врска со чувството на недоволност.
Ја чувствува врската како натпревар
Во некои врски партнерите наместо да се надополнуваат се натпреваруваат едни со други. Имаат замислено дека еден мора секогаш да води, да е подобар, да е доминантен, да е победник. На крајот, најмногу страда врската, а ваквата динамика на однесување е карактеристична во следните ситуации:
Дружба со пријателите. Дали пред нив постојано се расправате кој е „во право“?
Финансиски. Кој носи повеќе пари дома? Кој заработува повеќе? Доколку одговорот е жената, како мажот се чувствува во врска со тоа? Дали смета дека неговата машкост е повредена?
Носење одлуки. Без оглед на тоа дали станува за нешто сериозно како купување стан или кој филм да се гледа вечерва, дали вие како жена најчесто ги носевте сите одлуки во врската?
Доколку вашиот партнер ве чувствувал како противник наместо како сојузник, тој едноставно никогаш не се почувствувал комфорно да го отвори своето срце пред вас. Затоа, најлесно е да се прекине врската.
Не се чувствува доволно почитувано
Мажите едноставно не можат да градат живот со жена која не ги почитува. Тој мора да ја чувствува поддршката од партнерката и потребно му е таа да го прифати таков каков што е, дури и во најтешките мигови.
Жената е клучна за успехот на мажот.
Мажот кој сака да го отвори своето срце, (а тоа подразбира и споделување на нежноста и желбата за посериозно обврзување) сака да знае дека е почитуван. Кога ќе биде сигурен во ова, врската дефинитивно не е во опасност. Но, во ситуации кога му се потсмевате, го омаловажувате и едноставно не покажувате доволно почит, тој нема да се колеба да ви каже збогум.
извор:popara.mk
