Секој бара нешто различно во љубовта и секому му е важно нешто различно.
Незаменлива е самата љубов, искреноста, толеранцијата и почитта, а без тоа ниту една врска не може да опстане, без разлика дали се работи за љубовна или некоја друга врска. Сепак, секој од нас мора да помине низ некои фази во љубовта пред да сфати дека ја најдовме вистинската личност и пред да застанеме пред матичар.
Подолу ви откриваме кои се тие три фази.
1. Романтична фаза
Во првата фаза сме преплавени со кортизол, допамин, окситоцин и вазопресин. Овие хормони ја зголемуваат будноста, задоволството, мотивацијата, довербата, приврзаноста, возбудата, привлечноста и опсесивното размислување и ја намалуваат тагата, стравот и досадата, пишува „The minds journal“.
Во оваа фаза се заљубуваме, верувајќи дека ја најдовме нашата сродна душа и дека ништо не може да тргне наопаку. За многумина, оваа фаза е местото каде што се донесува одлуката за брак и предлогот.
2. Фаза на борба за моќ
За жал, романтичната фаза трае само неколку месеци, до две години, а се заменува со следната фаза, фазата на борбата за власт.
Во овој момент, хемијата исчезнува и полека или наеднаш почнуваме да гледаме дека партнерот всушност не е совршен. Немојте да се изненадите ако се обидете да се вратите во фазата на занес како на почетокот на врската, но тоа обично не излегува добро.
Истражувањето ни кажува дека просечното време што еден пар го поминува чекајќи да побара советување откако ќе влезе во фазата на борба за моќ е шест години. Ова значи дека ќе доживеат значителен степен на непријатност и несреќа додека се обидуваат да преговараат за природните подеми и падови на динамиката на врската.
3. Фаза на зрела љубов
Ако можете да добиете предбрачно советување, било пред или за време на фазата на борба за моќ во врската, можете да ја избегнете болката и агонијата и да избегнете развивање лоши навики во врската. Со терапевт, можете да научите ефективни начини за подобра комуникација, решавање конфликти и продлабочување на интимноста. Со други зборови, можете да ја оставите борбата за моќ зад себе и да се движите кон зрела љубов.
Она што ќе го научите во потрагата по длабока и трајна љубов со партнерот е дека не се венчаме за да бидеме среќни. Иако е убаво да се биде среќен. Бракот има повисока мисија. Неговата мисија е партнерите да си помагаат во трансформацијата. Нашиот брачен другар станува сојузник кој ни помага да го достигнеме нашиот највисок потенцијал како човечки суштества.
Извор: Попара.мк
