Дали некогаш сте почувствувале како ви се тресат нозете по секс?
Без разлика дали имате секс со вашиот партнер или едноставно уживате со некоја од најдобрите секс играчки во светот, многу жени почувствувале тресење на нозете, бидејќи искуството е прилично вообичаено и сето тоа е поврзано со она што се случува кога ќе доживеете оргазам.
Начинот на кој телото реагира на оргазам варира од личност до личност, а исто така и начинот на кој го постигнувате. Има многу начини за кулминација за време на сексуалната активност, без разлика дали уживате во тоа со еден од вашите омилени вибратори што ги имате или сте стимулирани од вашиот партнер.
Тоа е всушност резултат на опуштање на целиот организам после добар, еуфоричен секс. Оргазмот ја ослободува насобраната сексуална напнатост и телото едноставно сака да се одмори и да се опушти.
Кога ќе доживееме оргазам, телото физички реагира на тоа задоволство. Тоа вклучува, меѓу другото, грчеви на прстите и многу релаксирачко пецкање по целото тело.
„Како што се зголемува возбудата, се зголемуваат и отчукувањата на срцето и крвниот притисок. Дишењето станува побрзо, а кожата поцрвена“, објаснува секс терапевтот доктор Лаура Вовел од Велика Британија.
„Кога ќе дојде до оргазам, мускулите во вагината, а понекогаш и на други делови од телото често се грчат или стегаат. Во исто време, мозокот ослободува бран допамин, одговорен за чувството на задоволство, и окситоцин, хормонот одговорен за поврзување со некого и за галење“, објасни таа.
Токму ова е причината зошто може да ви се тресат нозете после оргазам. Вашето тело чувствува толку многу работи одеднаш, а тоа резултира со акумулација на голема напнатост во мускулите, особено во нозете. Така, кога целата акција ќе заврши и повторно ќе се опуштите, нозете обично ви се тресат, објаснува д-р Вовел и истакнува дека нема причина за грижа, бидејќи тоа е сосема нормална „последица“ од добриот секс.
Извор:Кајгана.мк
