Добро позната фраза е дека „жените се разубавуваат за другите жени“, бидејќи мажите не забележуваат многу детали, колку и да се трудат. Жената забележува се, дури и кај мажот, а особено кај понежниот пол.
Сепак, постои една работа која мажот не може, а да не ја забележи и на која секогаш реагира, што го одбива, особено кога станува збор за сексуални активности.
Женските солзи можат негативно да се одразат на сексуалната желба на мажите, покажа едно истражување. Имено, научниците откриле дека кога жената плаче испраќа „хемиски сигнал“ кој го намалува возбудувањето кај мажите, а процесот на истражување дали овие ефекти се идентични за двата пола се уште е во тек…
Во едно од многуте студии, научниците собраа солзи од учеснички волонтери кои плачеле додека гледале тажни филмови.
На едната група мажи им бил даден раствор од сол и вода, а на другата група собраните женски солзи, а истовремено им покажувале фотографии од жени кои плачат, односно нивните лица.
Истражувачите тогаш откриле дека мажите кои ги помирисале солзите ги оцениле лицата на расплаканите жени како помалку привлечни од оние прикажани додека мирисале раствор од сол и вода.
Во што е работата?
Нивото на тестостерон во плунката на мажите паднало во просек за околу 13 отсто откако ги помирисале солзите, но останало исто кога го помирисале физиолошкиот раствор.
Заедно со намалувањето на нивото на тестостерон, се променила и нивната физиолошка состојба мерена преку температурата на кожата, дишењето и отчукувањата на срцето. Активноста на мозокот мерена со магнетна резонанца се намалувала кога биле во контакт со женските солзи, а сексуалната желба речиси и да отсуствувала.
Сето ова истражување покренува многу други прашања, на пример, зошто и како мажот може да ги мириса солзите на жената и дали навистина може да разликува обичен раствор на сол од солзи на жена? Иако многу жени знаат да го „истераат своето“ токму со помош на солзи, мажите очигледно знаат да ги „намирисаат“, но веќе илјадници години остануваат неми на нив.
извор:попара.мк
