Во едно истражување на универзитетот Флорида учествувале повеќе од 1000 жени од сите возрасти, кои одговарале на прашања за својот сексуален живот.
Како што покажува студијата, сексот за жените е подобар кога е со партнери отколку со мажи за една вечер. Со долгорочен партнер, кај жените расте и шансата дека ќе доживеат оргазам, а американските научници сметаат дека тоа е така бидејќи сексот и љубовта одат рака под рака и пред вистинската романса сè друго паѓа во вода.
Истражувањето покажува дека жените кои биле во долги врски, во просек имале 15 отсто повеќе оргазми за разлика од жените кои не биле во врска. Исто така, тие своето сексуално задоволство го оцениле како 10 отсто подобро од слободните дами.
„Едно од можните објаснувања за ова е дека на жените им е потребна и нежност за да го достигнат врвот, а не само сексуален однос“, вели психотерапевтот Филип Ходсон.
извор: точка.мк
