Врските често знаат да бидат комплицирани и никој од нас не сака да се чувствува како да си го губи времето со некој, чекајќи нешто што нема да дојде.
Познато е дека се јавува заситеност во врските и многу парови раскинуваат поради тоа, но прашање е како да препознаете дека врската навистина се распаѓа и дека веќе немате заедничка перспектива.
Постојат неколку сигурни знаци кои ќе ви помогнат да се ослободите од дилемата и да ги преиспитате вашите одлуки.
Партнерот не ве почитува
„Знак дека врската полека пропаѓа е ако едниот партнер го омаловажува другиот и се однесува со него со непочитување, приватно или јавно“, вели еден советник за меѓучовечки односи. Доколку партнерот не сака да се консултира со вас и ви ја намалува позитивната енергија, тоа е знак дека нешто не е во ред.
Чувствувате дека не сте компатибилни
Се запрашавте дали ова е личноста со која би го поминале остатокот од животот и дали сте спремни да ги прифатите сите негови доблести и маани и дојдовте до одговорот дека сепак таа не е вистинската личност. Комуникацијата ви е сведена на минимум, бидејќи веќе немате заеднички мислења, а тоа покажува дека дефинитивно повеќе не сте ни заљубени.
Постојано се расправате за истите работи
Ако не можете да постигнете компромис и да ги регулирате секојдневните ситни конфликти, особено ако овие конфликти се секогаш за истата работа, тогаш повеќе не сте сродни души. Никогаш не владееле големите грешки, туку секогаш малите и навидум занемарливите, кои се акумулираат и на крајот експлодираат.
извор:попара.мк
