Навидум убавите врски пропаѓаат поради токсичното однесување на едниот или двајцата партнери.
Понекогаш не сме ни свесни за негативното однесување што го имаме додека не ги достигнеме крајните граници.
„Кога работам со парови, токсичните врски би ги дефинирала како оние во кои постојат конзистентни шеми на штетно однесување што се јавуваат меѓу две лица“, објаснува Грејс Чои, брачна и семејна терапевтка, пишува HuffPost.
Овие нездрави обрасци се појавуваат кога било кој од партнерите се чувствува несигурен, неподдржан или непризнаен – па дури и нападнат или контролиран.
„Она што често придонесува за ‘токсичност’ во врската е кога еден или двајцата не преземаат одговорност за своето однесување. Овие односи можат да се поправат, но потребно е време и посветеност од двете лица“, вели Чои.
Како да ги препознаете знаците на токсично однесување во врската?
Постојат неколку однесувања кои можат да укажат на тоа дека сте токсичен партнер. Еден од примерите е дека не можете отворено да комуницирате. Иако звучи како клише, вистина е, комуникацијата е клучот за здрава врска. Ако одбиете да се вклучите во здрава комуникација или се обидувате да ги подобрите вашите комуникациски вештини – внесувате токсичност во врската.
Обрнете внимание на сите негативни чувства кои можат да се појават и како тие влијаат на вас. Во токсична врска, чувствата на љубов и восхит се заменуваат со чувства на огорченост, љубомора и ниска самодоверба. Емоциите како љубомората се поттикнати од недостаток на самопочит или страв од напуштање. Исто така, нетретираните емоции може да доведат до токсични модели на однесување.
Повеќето од вас имале моменти кога сте почувствувале дека вашиот партнер едноставно треба да знае што ви треба без да мора да прашате? Обидете се да разберете дека вие и вашиот партнер внесувате различни искуства во врската, па вашите потреби и желби веројатно нема да бидат исти.
Желбата да се има контрола во врската е нормално чувство, но кога ова чувство не е контролирано, може да доведе до токсични или штетни модели на однесување во врската. Размислете дали тоа прави другата страна да се чувствува заробена во врската.
