Сексот е врвно искуство и уживање коешто се случува кога двајца луѓе кои се сакаат, сакаат да го продлабочат својот однос. Но, што ако тоа не е така?
Мојата работа се состои во тоа што им правам терапии на луѓе коишто не чувствуваат емоционална поврзаност со партнерот додека имаат секс“, вели за Psychology Today психотерапевтот и сексолог Сем Луи.
На базично ниво, сексот е само телесен чин помеѓу двајца луѓе, лишен од потребата за зближување. Во ваков облик го претпочитуваат сексуалните работници и луѓето коишто имаат секс за еден ноќ.
Сепак, изненадувачки е фактот што и помеѓу долгогодишните парови, сè поприсутен е сексот без интимност и изразување емоции. Често се случува еден од партнерите да се оддалечи.
Причина за тоа може да биде консумирање лекови, алкохол, дрога, или пак да биде поврзан за порнографија или сексуални фантазии.
„Поединците кои ја користат порнографијата или имаат навика да фантазираат за други луѓе за време на сексуалниот чин, имаат емоционални проблеми. Многумина ќе кажат дека сексуалните фантазии ја враќаат страста во односот, но Луи тврди дека она што го забележал со текот на годините покажува дека односите не се поправаат, туку со текот на времето доаѓа до заладување на односите“, предупредува Луи.
Зошто доаѓа до овој парадокс?
„Работата е многу едноставна, вели сексологот. Кога фантазирате за друга личност додека водите љубов, фантазијата станува реалност. Со други зборови, не сте емоционално поврзани со вашиот партнер или партнерка, туку со вашата сексуална фантазија. Сексуалната желба, страста и интензитетот можат да бидат јаки, но она што недостасува е емоционалната поврзаност и интимата. Доколку тоа исчезне, вашиот однос е на „стаклени нозе“, предупредува психологот и вели дека љубовниот однос треба да се поправи на емотивно ниво, а не на сексуално“.
