Сигурно сте се запрашале дали бившиот понекогаш мисли на вас и како би било доколку налетате на него. Доколку сте се разделиле смирено и во пријателски околности, сигурно е дека ситуацијата нема нужно да биде непријатна. Но, токму таа средба може да ве натера да се запрашате дали тој или таа мисли на вас понекогаш и дали би можеле да се обидете одново. Тоа важи и за спротивната страна. Не е невообичаено љубезноста на поранешниот партнер, роденденската честитка или повременото „како си“ да ве натера да мислите дека можеби ќе сака да се вратите.
Ако сте се запрашале кои се знаците дека вашиот поранешен сака да се обидете повторно, тогаш дознајте дали сте наишле на некој од овие знаци и сигнали од него, пишува „Pinkvilla“.
Често ве контактира
Без разлика дали сте се сретнале случајно – и тоа го поттикнало вашиот поранешен да ве контактира или ве контактирал од никаде, следете што ќе се случи понатаму. Ако ви праќа пораки или ви се јавува, ги лајкува вашите објави на социјалните мрежи и се интересира за вашиот живот во целина,тука има нешто. Обрнете внимание на тоа колку често вашиот бивши го прави тоа за да разберете дали е вистински заинтересиран да разговара со вас.
Споделува со вас детали и животни настани
Споделувањето на информации за тоа што се случува во нивниот сегашен живот е исто така одличен начин да се одржи разговорот. Ова може да значи две работи. Првата, тие сакаат да добијат некаква реакција од вас. Можеби да видите дали ви недостасува да разговарате со нив или само да се дружите со нив. Второ, тие едноставно сакаат повторно да бидете дел од нивниот живот и ова повторно да биде секојдневие. Се обидуваат да ви дадат навестување дека би сакале втора шанса со вас. Исто така ќе ви дадат до знаење дека немаат нов партнер.
Покажуваат суптилна љубомора
Ако и вие споделувате детали и актуелни работи од вашиот живот и ако ваму-таму им се провлекува некое непознато име, сигурно ќе се запрашаат која е таа личност и колку ви значи. Тие ќе ве прашаат точно каква улога има оваа личност во вашиот живот, но исто така ќе ви покажат дека се малку љубоморни со претерано испрашување или замерување.
Се обидуваат да ве направат љубоморни
Ова е уште една интересна тема. Додека зборувате за вашиот живот, запознавање или дружење со пријателите, тие ве „бомбардираат“ со своите приказни иако текот на разговорот не тече во таа насока. Ако често го спомнуваат името на некоја нова пријателка, пријател, колега или колешка, тоа е знак дека суптилно сакаат да ви дадат до знаење дека постои некој за потоа да бидете уште позаинтересирани.
Спомнување на минатото и убавите времиња
Секако, некогаш во разговор со бившиот партнер ќе се сетите каква ви била врската. Ако вашиот поранешен партнер премногу често ги спомнува вашите заеднички авантури, патувања, состаноци и интимни моменти, тоа е затоа што сака да ве натера да се сетите колку ви било убаво и како може повторно да биде.
Секако, и овде треба да бидете внимателни, да се сеќавате на причината поради која сте раскинале и добро да размислите за неговото однесување во тој момент.
извор:popara.mk
