Силвестер Сталоне и Џенифер Флавин ќе се разведат по 25 години брак. И иако од оваа вест актерот беше дочекан доста неподготвен, тоа не го спречи да го прослави роденденот на својата ќерка.
Последниве денови светот се врти околу разводот на Силвестер Сталоне и неговата сопруга Џенифер Флавин, а околностите и причините сè уште не се сосема јасни.
И додека го чекаме исходот од настанот, актерот на социјалните мрежи сподели серија фотографии и сето тоа поради една причина.
Нивната ќерка Софи Роуз го прослави својот роденден, а гордиот татко сакаше да го одбележи овој голем момент во животот со своите обожаватели.
„Среќен роденден, со задоцнување, на мојата посебна ќерка Софија“, напиша актерот, а ќерката веднаш му се заблагодари.
Она што сите го забележаа е дека на фотографиите кои тој ги објави се наоѓа и неговата сопруга од која се разведува.
Да потсетиме, Флавин пред десет дена поднела барање за развод во судот во округот Палм Бич, Флорида, а во петицијата навела дека нејзиниот сопруг учествувал во намерното исцрпување и трошење на брачниот имот и барала на Сталоне да му се забрани продажба и пренос на кој било имот за време на постапката за развод.
Фото:Принтскрин/Инстаграм/officialslystallone/Профимедиа
