Луѓето обично прават се за да прикријат каков било знак на изневерување во врската. Сепак, и пред да направат таков голем чекор како прељуба, многумина на суптилен начин покажуваат дека кај нив се случува некаква промена.
Ако овие знаци се препознаат навреме и ако одговорите со отворен разговор, понекогаш е можно да се избегне овој чин на предавство. Понекогаш – затоа што во некои случаи изневерувањето се случува порано или подоцна, особено со луѓе за кои се знае дека претходно биле прељубници.
Тие почнуваат да се облекуваат поинаку
-Обично прељубниците сакаат да изгледаат најдобро – вели брачниот советник Џонатан Бенет.
Ако забележите нова фризура и значајни промени во гардеробата, тоа може да биде знак дека некој само сака да изгледа подобро, но во некои случаи може да открие дека повеќе се труди да импресионира некој друг освен вас.
Престануваат да се караат
Дури и најдобрите врски понекогаш се соочуваат со некои расправии и тоа е добро – проблемите се решаваат на здрав начин, со расправии. Затоа е многу проблематично кога некој одеднаш ќе престане да се обидува да ги расчисти работите.
-Може да изгледа како добра работа што нема расправија или конфликт, но понекогаш е знак дека едната страна повеќе не ѝ дава доволно на врската за да се грижи за проблемите – вели експертот за врски Џесика Клајн.
Или се расправаат повеќе од кога било
Од друга страна, во некои случаи, пред да влезат во паралелна врска, одредени прељубници секој разговор можат да го претворат во кавга.
– Понекогаш партнерите повеќе се расправаат и критикуваат се во врската затоа што сакаат да го оправдаат фактот дека ќе изневерат – вели Клајн.
Ја обвинуваат другата страна за неверство
Таа исто така тврди дека не е невообичаено некој кој размислува да изневерува или веќе изневерува, да почне да го обвинува партнерот за неверство.
– Ваквото однесување е уште една форма на оправдување на сопствената прељуба – вели Џесика Клајн. – Ова го нарекувам магичен трик: погледнете ја оваа рака и нема да видите што прави другата.
Почнуваат со микро измами
Пред да стапат во друга врска, во случајот на многу луѓе прво преземаат мали чекори кон прељуба, што Клајн го нарекува микро-изневерување.
Најчесто тоа е допишување, посветување повеќе внимание на другите луѓе, поминување на слободното време со други…
– Кога нешто такво ќе се случи еднаш, тоа обично не се смета за микро-измама. Но, кога ќе трае, ја уништува врската – вели таа.
извор:popara.mk
