Во своитемемоари, американската пејачка Џесика Симпсон откри скандалозни детали за нејзиното семејство.
Во своето признание, Џесика индиректно зборуваше за причините за брачниот бродолом на нејзините родители.
“Во август, мајка ми откри дека татко ми го уништил нивниот брак. Ова ги потврдигласините што се појавија тие денови”, пишува Џесика.
Како што во тоа време веќе пишуваа светските медиуми, поранешниот свештеник и менаџер на неговата ќерка призна дека е хомосексуалец. Тој, наводно, имал афера со 30-годишен маж. Поради „непомирливи разлики“, сопругата Тина Симпсон поднесе барање за развод на 34 години брачната заедница.
“Таа рече дека поминала прекрасно време со татко ми за време на прославата на годишнината од бракот и мислела дека сè ќе биде добро. Јас бев убедена дека сè е добро. Кога се соочив со обвиненијата, татко ми ми се јави на телефон и јас не одговарав “, вели пејачката.
За Џо повеќе немаше простор во семејниот дом.
“Мислеше дека може да избегне развод, но залудно. Тој ми рече дека не е во врска со друга личност и дека ја сака мојата мајка”, објаснува пејачката во нејзината исповед, објавена од News.au.
Тина и Џо се разведоа во април 2013 година.
“Тато замина брзо. Можеби тој навистина сакаше да ја напушти мајка ми”, вели Џесика.
Три дена пред свадбата на Џесика Симпсон и Ерик Џонсон, Џо ја прашал својата ќерка дали може да дојде со Џонатан, млад модел со кого соработуваше на фотосесии.
„Сфатив дека морам да го прифатам татко ми каков што е, со сите свои склоности“, истакнува таа.
На прашањето на новинарката во „Лос Анџелес Тајмс“ за сексуалноста на нејзиниот татко, Џесика не даде јасен одговор, велејќи дека тоа не е нејзината приказна.
Таа ја прекина соработката со Џо, кој беше нејзин менаџер во текот на целата кариера. Џесика вели дека тоа било една од најтешките одлуки во нејзиот живот.
“Морав да му дадам отказ петпати затоа што тој не можеше да ја прифати мојата одлука. Премногу често, јас ги слушав реакциите на моите соработници за да дознаам дали татко ми направил нешто што не го знаев. Луѓето се согласиле на лошите услови за работа, мислејќи дека јас тоаго барам, а немав идеја. Тој остави многу повредени луѓе и не знаев ништо за тоа. Сè што знам е дека морам да продолжам напред со целосна контрола врз мојата кариера “, вели Џесика.
