2020 влијаеше на многу аспекти од нашите животи, претежно на односите со другите луѓе. Стресот, губењето на работата, финансиските проблеми и работата од дома се само некои од нештата што ги нарушија меѓучовечките односи, а особено оние со партнерите.
Прашајте го вашиот партнер дали можете да направите нешто за да се чувствува подобро и повторно да ви се приближи. Ако сте во врска долго време, голема е веројатноста дека веќе точно знаете што може да го направи вашиот партнер среќен и релаксиран. Имајте на ум дека дури и малите знаци на внимание можат да направат голема разлика. Разговарајте со вашиот партнер, направете список на работи што можете да ги правите еден за друг и фокусирајте се редовно да го правите тоа.
Запомнете дека грижата за себе е исто така многу важна. Дружете се со пријателите, шетајте, читајте книги и гледајте филмови. Многу е важно да си дадете простор себеси, а и на вашиот партнер и да продолжите да растете надвор од вашата врска.
Важно е да одвоите време за да имате квалитетен разговор и да се дружите со вашиот партнер. Во такви моменти, оставете ги мобилниот телефон и лаптопот, исклучете го телевизорот и уживајте во времето што го поминувате заедно. Фокусирајте се на она што го зборува вашиот партнер и внимателно слушајте. Вакви работи можете да правите еднаш неделно. Зборувајте за она што се случува во вашите животи, за работите што ги окупираат вашите мисли и луѓето со кои се дружите и работите.
Не заборавајте да кажете „благодарам“, „те сакам“ или да го прегрнете вашиот партнер дури и ако немате посебна причина за тоа. Вакви работи дополнително ќе ја зајакнат вашата врска.
извор:кафепауза.мк
