За нејзиниот моден стил би било излишно да се коментира, бидејќи добро познато е дека македонското девојче Каролина Гочева, важи за една од најстилските пејачки на домашната естрада.
Дури и кога не е на сцена и нема помош од нејзината верна долгогодишна соработничка Цаци Паковска, Каролина има префинет и истанчен вкус.
Преферира едноставност и минимализам, а пак од оние кежуал парчиња, најчесто ги избира повпечатливите, а не ретко и таквите со етно мотиви.
Ова лето, таа и нејзиниот сакан сопруг Михаил Корубин повторно се вратија на омилената летна дестинација, грчкиот остров Миконос, а Керол кога е таму не се штеди на објавување фотографии како по пракса.
Имено, на нејзиниот профил осамнаа неколку фотографии на кои Гочева има стилски моден погодок кој сигурно би и се допаднал на секоја девојка и жена.
На едната фотографија е целосно во минималистичка црна комбинација, а контрастот е на црно-белите обувки, додека на другата е како божица во бел широк фустан кој е идеален за топлите денови, особено за на плажа.
Сигурни сме дека ве освои!
