Пејачката Пинк и нејзиниот сопруг се познати по специфичниот начин на воспитување на децата, преку кој го градат својот идентитет.
Нивната ќерка деновиве славеше роденден, но на сметка на нејзиниот изглед доби коментари, а некои од родителите удрија по пејачката велејќи дека бојадисувањето на косата е претерување.
Среќен роденден на мојата мала ќерка Вилов. Ја сакам оваа девојка повеќе од животот. Таа станува паметно, нежно, мило сушество. Се гордеам со тебе и уживам кога сме заедно, напиша нејзиниот татко, не помислувајќи дека нејзиниот изглед ќе биде негативно коментиран.
Иако во описот на фотографијата има убава роденденска порака, следачите на популарниот пар беа изненадени од нејзиниот изглед, односно од фарбаната коса во лила боја.
„Ова е скандал. Не е нормално дете да има фарба“, „Вилов е девојче и треба да изгледа како другите деца“, се некои од коментарите.
Педијатрите советуваат дека не е во ред дете да ја бојадисува косата затоа што фарбата содржи хемикали кои можат да предизвикат реакции на кожата.
