Ако некој ви кажал дека постои магична реченица која спречува или барем ублажува бројни расправии во љубовните врски, сигурно би ја користеле почесто. Зарем не?
Дали понекогаш имате чувство дека меѓу вас и партнерот има недоразбирања кои често резултираат со сосема непотребни караници? Дали ви се случува малите конфликти да ескалираат, а зборовите што ги кажувате само ве оддалечуваат? Сето тоа се знаци дека треба да работите на заедничка комуникација, пишува „Нови лист“.
Комуникацијата е основа на секоја квалитетна и долготрајна врска, без разлика дали тоа е всушност љубовна или пријателска врска. Но, често се случува среде конфликти да не знаеме како да ги изразиме своите емоции и гледишта, поради што често кажуваме работи што не ги мислиме.
Дали некогаш сте кажале зборови како „Не ме разбираш“, „Ме исклучуваш“ или „Криеш нешто“ во дискусија или расправија? Кога ќе погледнете малку подобро, сето тоа се реченици со кои на почетокот се обвинува личноста кон која се упатени, без разлика дали се работи за однесување или одредена постапка.
Вашите чувства може да се изразат на начин кој покажува повеќе разбирање и не е автоматски насочен како напад на вашиот партнер. Затоа пробајте ја следната магична реченица: „Имам чувство дека…“. Како што пишува „Freundin.de“, оваа комуникациска стратегија доаѓа од психологот Маршал Б. Розенберг.
Се заснова на изразување на внатрешно чувство на партнерот без да го обвинувате за нешто. На пример, вашиот партнер во последно време поминува многу време со нови пријатели. Во повеќето случаи, тој не ве кани на дружење, поради што се чувствувате исклучени. Наместо да го нападнете со реченицата „Не сакаш да бидам дел од твојот живот“, започнете ја комуникацијата со реченицата „Имам чувство дека не сакаш да се дружам со твоите нови пријатели“.
Успехот на оваа комуникациска стратегија лежи во тоа што партнерот почнува повеќе да разбира како вие всушност се чувствувате, односно како неговите постапки знаат да влијаат на вас. Тој не се чувствува како да го напаѓате, туку му кажувате како се чувствувате.
извор:попара.мк
