Дефиницијата за неверство се чини дека е прилично еластична и се разликува од човек до човек и од една двојка до друга.
Наивен флерт, бакнеж или секс афера – речиси секој помислил на тоа, но дали го реализирал? Вашиот хороскопски знак може да даде увид во тоа колку сте наклонети кон изневерување.
Овен
Вие сте лесен плен за искусните шармери и заводнички, реагирате спонтано и нагонски на еротскиот повик за авантура. Прилики за флерт демнат од сите страни. Ако попуштите на искушението и изневерите, грижата на совест ве стигнува дури откако сѐ ќе заврши.
Бик
Иако вие сте тврдина што тешко се освојува, ако некој навистина се „помачи“ околу вас, ќе му успее заведувањето. Шансите растат со упорноста, нежноста и опсипувањето со подароци, но најлесно паѓате на поддршка кога ви е најтешко. Ако го добиете сето ова, а не го добивате од партнерот, имате сериозна афера на повидок.
Близнаци
Лесно е некој да ве заведе, вие постојано го посакувате тоа. И без флерт и авантури вашиот живот е интересен. Дури и кога сте навистина заљубени и сте ветиле дека ќе бидете верни, лесно паѓате на нечиј шарм, но сето тоа е минливо и не гледате во неверството основа за нова врска.
Рак
Иако важите за верни партнери, почнувате да фантазирате за грев и авантура ако партнерот ве запоставува. Пријатна атмосфера, искусен додворувач и неискористената страст во вас се доволни за афера од која секогаш излегувате помоќни. За секој случај, останувате во контакт со „освојувачот“ или „фаталната заводничка“.
Лав
Иако сте многу темпераментни, не застранувате така лесно од патот. За да ве освои некој нов, треба да ви понуди многу повеќе од актуелниот партнер и сериозно да се потруди околу вас. Сакате ласкање и комплименти, но не паѓате на тоа. Сакате да видите „принесена жртва“ за да знаете дека вреди ризикот на аферата. Ако изневерите, често завршувате со новиот партнер.
Девица
Вие сте тврд орев што не се крши така лесно. Вашата вродена смисла за реалност и приземјеност ве спречува да влетате во бесмислена авантура. Но, токму вашата конзервативност и промисленост може да ве доведат до точка на пукање и да влезете во флерт или авантура со првата личност која ќе ве ослободи од вашите инхибиции.
Вага
Сакате долго да ве освојуваат, да е шармираат, да рушат сѐ околу вас, да се чувствувате како центар на универзумот. Ако личноста која ви се додворува покаже дека ќе биде дискретна и дека аферата ќе биде исполнета со страст, романсата е загарантирана. Сакате што е можно подолго да трае даа игра на заведување, а кога ќе намали интензитетот, заминувате без трага и му се враќате на првиот партнер.
Скорпија
Како и секогаш во животот, одите на сѐ или ништо. Сакате кога некој се бори за вас и успевате да одолеете и на најупорните флертови. Сепак, ако се посомневате во верноста на другиот, лесно ќе се впуштите во авантура без грижа на совест, само за да не се чувствувате изиграни.
Стрелец
Како што рибата не може без вода, така вие не можете без вашата слобода, а тоа станува поизразено кога сте во врска. Вашиот жесток темперамент и фатална привлечност едноставно ги носи луѓето до вас, вие не мора многу да се трудите. Уживате во флертување и неретко имате по неколку врски „без обврска“ паралелно.
Јарец
Наклонети сте кон фантазирање и авантура, но сѐ останува таму – во вашата фантазија. Сепак, вашите соништа стануваат реалност ако некој успее да ве фасцинира со својот општествен статус и професионални успеси, додека истовремено ви импонира и прави да се чувствувате важно. Ако ви одговара сексуално, останувате со таа личност. Од друга страна, не простувате неверство во ниту една ситуација и од тоа не правите отстапки.
Водолија
Вие најчесто паѓате на првиот впечаток и на физичкиот изглед, особено ако сте маж. Авантурите без обврски ви се примамливи бидејќи сметате дека на тој начин ја задржувате слободата што толку многу ви значи. „Формулата“ за освојување жена Водолија е длабок разговор на заеднички теми и ненападен шарм.
Риби
Вие не можете да живеете без љубов. Вашата топлина, наивност и искреност често оддаваат впечаток дека сте заинтересирани за нешто повеќе од пријатен разговор, но за неверство би се одлучиле само со човек кој е сличен на вас и живее за нежности и љубов.
извор: кајгана
