Една девојка на порталот „The Sun“ му се пожалила на психологот дека од чиста досада и глупост, направила грешка – неверство, поради што сега е во паника.
„Во врската ми стана малку здодевно, па почнав да се гледам со колега од работа. Сега сум во паника бидејќи дознав дека сум бремена“, ја започнала својата исповед девојката.
„Со момчето сум во врска уште од средно училиште. Имаме 27 години и почнавме да живееме заедно. Сепак, тој стана малку здодевен, секоја вечер игра игри со пријателите. Мислам дека сексуално не го привлекувам и во последно време немаме често сексуални односи. Пред некое време почнав да забележувам еден колега со кој соработував на еден проект. После успешно завршената работа, една вечер после работа отидовме во паб и малку се напивме. Тој ме испрати до дома, каде на прагот неочекувано ме бакна. Со оглед дека мојот партнер не беше дома тој викенд, останавме кај мене во станот. Следниот ден повторно се видовме. Сексот со него беше неверојатен“, напишала таа и додала дека после неколку денови дознала дека е бремена и дека не знае што да прави, бидејќи имала интимен однос и со своето момче и со колегата од работа.
Психологот на „The Sun“ го одговорил следново:
„Дури и вашето момче да е татко на детето, врската не звучи квалитетно. Размислете убаво, дали навистина би сакале да имате дете со него?
Колегата ужива во таен секс со вас, но дали воопшто му се допаѓа идејата да има дете со вас?
Татковството нема да може да го докажете додека не се роди детето. Доколку ниеден маж не сака да го ‘преземе’ детето, дали ќе може да се носите со тоа да сте самохрана мајка? Потребна ви е помош за да одлучите на кој начин ќе се носите со оваа дилема. Пред да одлучите било што, мора да поразговарате со некој“, заклучил психологот.
извор: точка.мк
