Кон почетокот на месец ноември, фолк пејачката Сања Сани Гроздановска на свет ја донесе својата втора ќеркичка која го носи името Ева.
Оттогаш поминаа три месеци, Ева потпорасна, а мама Сани за брзо време им се врати на музичките ангажмани.
Младата мајка за разлика од повеќето познати личности, уште додека беше во болница по породувањето, ведаш го покажа лицето на своето бебенце, а сега неколку месеци подоцна реши да и направи една убава фотографија од малата Ева во крупен кадар.
А кога мама фотографира, Ева знае да ја израдува со најубавата насмевка која не само што и го направи денот нејзе, туку и на многите обожаватели, пријатели и следбеници на Сани на социјалните мрежи.
-Не ме сликај мамо! Ќе те кажам на тато!, напиша пејачката во описот на неодоливата фотографија.
Убавицата на мама Сани и принцезата на тато Мартин уште од мали нозе е позната, а кога тато ќе ја види оваа насмевка сигурно нема да се лути, туку ќе посака уште такви фотографии со кои ќе се фали на сите.
фото:fejsbuk/sanjasanigrozdanovska
