Она што се направи за време на сексуалниот чин доаѓа некако природно, но секогаш е добро да слушнете неколку совети и да научите нешто ново.
Сексолози, брачни советници и други врвни експерти за секс споделија врвни совети со кои ќе го имате најдобриот секс досега.
1. Научете да допирате
Сексот се заснова на допир, но повеќето од нас не знаат да ги користат рацете за да му пружат задоволство на другиот. Одвојте време да ги совладате вештините за масажа и еротски допир и ќе откриете целосно ново задоволство. Раката е најдобрата секс играчка, велат сексолозите.
2. Прашајте што ве интересира
Сексуалната вештина се постигнува со вежбање, насочување, обрнување внимание на звуците и движењата на вашиот партнер, како и преку едукација. Не сте сигурни дали ви оди добро? Прашајте: „Што најмногу ти се допадна?“ или „Дали ти се допаѓа повеќе кога ги користам рацете или само устата?“, но не прашувајте за време на сексот или веднаш по сексот. Прашајте неколку часа подоцна, кога и двајцата сте опуштени, отворени еден кон друг и сте заинтересирани за комуникација. А во слободно време прочитајте совети и искуства, како и мислења на експерти како овие.
3. Кажете „да“
Наместо да редите причини зошто не сакате да имате секс со вашиот партнер и зошто не сакате да пробате нешто ново како играње улоги или други начини за реализирање на сопствените фантазии, дозволете си да кажете „да“ и да бидете отворени за нови искуства. Отвореноста кон нови искуства ќе ви овозможи да се поврзете подлабоко со вашиот партнер – и со вашите сопствени желби. Секако, ве охрабруваме да кажете „да“ само на работите за кои сте согласни да ги направите, а не само за да му удоволите на другиот.
4. Дамите први
Секс експертите советуваат мажот секогаш да ја доведува жената до кулминација пред пенетрацијата. На тој начин тој нема да чувствува притисок за време на неговиот „перформанс“, сексуалниот однос ќе донесе многу повеќе задоволство и гарантира дека и двајцата секојпат ќе бидете задоволни и задоволени.
5. Поврзете се со вашиот партнер на повеќе нивоа
Одличниот секс е многу повеќе од физички чин. Кога вие и вашиот партнер сте поврзани на повеќе нивоа, ментално, емоционално и духовно, вашиот сексуален живот ќе биде подобар отколку што сте можеле да замислите.
6. Фокусирајте се на чувството
Жените премногу често мислат на тоа како изгледаат во кревет. Секс експертите советуваат да се фокусирате на чувството наместо на тоа како изгледате. Затворете ги очите, препуштете се на сексуалниот чин и обрнете внимание на чувството. Кога ќе сфатите колку задоволство е способно да чувствува вашето тело, вашата самодоверба вртоглаво ќе порасне!
7. Возбуда за сите сетила
Допирајте: сатенски чаршави, мазна кожа. Мирисајте: свеќи, масла. Вкусете: јагоди прелиени со чоколадо, шампањ. Гледајте: себе си во секси долна облека. Слушајте: релаксирачка, секси музика.
извор: кајгана
