Сонувавте дека го изневерувате партнерот и се прашувате што значи тоа? Некои веднаш се загрижени и бараат објаснување во соновникот, а овој пат на помош доаѓа Тереза Ченг, експерт за анализа и значење на соништата.
Како што таа тврди, ваквите соништа се сосема нормални и всушност доста чести. Тереза Ченг сподели што ви кажува вашиот ум ако редовно сонувате дека имате афера.
– Не е чудно ако сонувате дека имате афера. Но, се прашувате што значи сето тоа? Аферите се многу честа тема на соништата. Сите ги имаат, дури и оние во долги и здрави врски. Ова е сосема нормално затоа што луѓето се љубопитни суштества и во нашите соништа можеме безбедно да ги истражуваме еротските желби без никого да повредиме. Нема потреба да се чувствувате виновно. Мамењето во соништата е нормална појава. Тоа не значи дека сакате да изневерувате, но најчесто е знак дека се изневерувате себеси во нешто, а ваша задача е да откриете што е тоа нешто – објасни таа.
– Кога тоа ќе се случи, клучен е првиот збор што ви паѓа на ум кога ќе помислите на таа личност. Таа врска што ја имате со таа личност е она со што вашиот ум сака да станете поинтимни. Можеби тоа е некоја особина што треба подобро да ја разберете во себе, или некој аспект од себе што го негирате или нешто што треба да го откриете во себе. На пример, ако не ви се допаѓа вашиот соработник, но тој има одлична смисла за хумор, а вие сте склони да го сфаќате животот премногу сериозно, вашиот фантастичен ум ве „романтизирал“ со тој колега за да ве поттикне да се разведрите. – вели Тереза.
Таа додаде дека е важно да запомните дека сонот никогаш не е за личноста со која изневерувате, туку дека се работи за вас и на што треба да работите, односно кои аспекти од вашата личност треба да ги развиете, разберете или прифатит во себе за да се развиете.
– Ако вашиот сон вклучува партнер кој изневерува, значењето се пренесува на вашиот однос. Можеби вие или вашиот партнер сте биле преокупирани и сте ја запоставиле вашата врска. Или можеби работата, интересот, па дури и саканото милениче ви одзема многу време, или можеби работите станале премногу рутински меѓу вас двајца во спалната соба. Вашиот ум кој сонува користи шок тактики за да го привлече вашето будно внимание на вашата врска, објасни таа, додавајќи дека ако сте го сонувале вашиот поранешен, нема потреба од паника.
Ова не значи дека сè уште сте заљубени во личноста од минатото.
Извор: Попара.мк
