Голем број жени се водат по правилото дека никогаш не би биле со зафатен маж, но има и такви кои уживаат во такви афери. Дел од нив знаат што можат да очекуваат и знаат што прават, а остатокот наивно веруваат во бајка, која не може да се оствари.
Ако сте дел од оние кои се впуштиле во нешто слично, тогаш постојат некои основни работи што треба да ги знаете.
Држете на себе
Она што го имате не е вистинска врска. Прво, вие сте трета страна во нечие семејство и второ треба да знаете дека сето она што сакате да го имате со него тој веќе го има дома.
Не бидете убедени дека ќе ја остави сопругата
Една од најчестите лаги кои мажите ги кажуваат на жените со кои имаат афера е дека ќе ја остават сопругата. Тоа е нешто во кое не можете да си дозволите да поверувате, бидејќи ќе наидете на една врска, која нема иднина. Кога веќе знаете дека има семејство, зошто сте застанале во средината на сето тоа? Покрај тоа, ако е толку лесно и ако е подготвен заради вас да ги остави нив, дали утре нема да го направи истото и со вас?
Зошто токму тој?
Мислите ли дека женетиот маж ви гарантира стабилна врска, бидејќи е подготвен за брак? Не е ли попаметно да најдете некој за кој ќе бидете прв избор? На овој начин нема да уништите нечие семејство, а ќе го најдете она што го заслужувате.
Прекин на комуникацијата
Ви изгледа дека не можете да го оставите и дека нема да најдете никој како него? Како секое раскинување, така и ова. Ќе боли некое време, но дека ќе помине. Но треба да ја прекинете секоја комуникација, ако сакате да се извлечете од оваа врска.
