Ошо бил еден од најголемите индиски духовни лидери на минатиот век. Мистичниот гуру се занимавал со многу контроверзни теми, а познат е и по тврдењето дека сексуалната енергија е посилна од атомската и дека животот без неа всушност е невозможен.
“Сексуалната енергија во луѓето е поголема од енергијата на електрицитет. Сексуалната енергија е поголема од атомската енергија. Но, дали некогаш сте размислувале за трансформацијата на таа енергија? Мал атом ја уништи Хирошима, цел град со популација од 100.000 жители, но атомот на човековата сексуална енергија создава нов живот, нова личност”, објаснува Ошо и тврди дека луѓето никогаш не биле подготвени да го разберат сексот на вистински начин.
“Во име на религијата, ние ја уништивме секоја можност за разбирање на сексот. Ние им објавивме војна на сексот и своите инстинкти. Немојте да ги учите децата дека сексот е грев. Подобро објаснете им дека сексот е дел од животот, дека сите сме родени по пат на секс, дека сексот е наш живот. Тоа ќе им помогне подобро да го сфатат однесувањето на нивните родители, од вистинска перспектива”, вели Ошо во својата книга “Од секс до суперсвест”.
Тврди дека квалитетот на сексот е значително полош, бидејќи нашите умови се во грозна состојба. Според неговите зборови, квалитетот на она што го правиме зависи од состојбата во која се наоѓаме.
“Сексот е најмногу занемарено подрачје во нашите животи. Тоа е феномен кој зависи од размножувањето на животите на Земјата, низ кој нови деца, нови душа доаѓаат на свет. За човештвото да стане во целост запознаено со сексот, уметноста на сексот – кога успеваме да ја поделиме таа наука, таа уметност и младите и старите и целиот свет ќе може да создаде ново суштество”, вели Ошо и додава дека голотијата треба да се прифати како сосема природна работа, а не забрането овошје.
извор: точка.мк
