Можеби долго време сте сингл, но воопшто не ви е јасно зошто. Понекогаш постојат некои навики или ставови за кои жените не се ни свесни, а со кои ги одбиваат мажите. Дознајте кои особини на жените ги иритираат мажите и запрашајте се дали можеби тие се причина што сè уште не сте го пронашле посакуваниот партнер.
1. Се обидувате да ги промените мажите
Доколку започнувате врска со очекување дека ќе ги промените сите ситници што не ги сакате кај партнерот, најверојатно тоа нема да заврши добро. Ако мажот почувствува притисок дека мора да промени многу работи поради партнерката, може да одлучи дека сепак му е подобро без неа.
2. Правите големи проблеми од ситници
Не заборавајте дека мажите никогаш не даваат двосмислени одговори. Тие се секогаш искрени и многу директни. Па, ако често правите голем проблем од ситници и неважни работи, ова навистина ќе му пречи на партнерот.
3. Не сте верни
Не мора навистина да го изневерите партнерот за тој да не ви прости. Ако сакате да флертувате на сите страни, вашиот партнер нема да се чувствува безбедно покрај вас и врската едноставно нема да трае долго.
