Често се прашуваме што е тоа што ја прави добра една врска? Кој е најважниот квалитет кај другата личност? Како да бидеме среќни во љубовта?
Овие прашања особено си ги поставуваме кога сме сами или заглавени во лоша врска. Но, кога конечно работите ќе дојдат на свое место и ја најдеме вистинската личност за нас, добиваме одговор на овие прашања.
Ова се 5 важни лекции кои ги учиме од добрите врски.
Секоја успешна и здрава врска бара напор.
Не можеме да се потпреме само на љубовта. Добрата врска бара почит, доверба, внимание, разбирање, посветеност и трпение. Потребен е постојан напор и желба работите да успеат.
Прифаќање на другата личност.
Често забележуваме како луѓето се трудат да ја сменат личноста со која се во врска. Но, тоа не љубов, ниту пак здрава врска. Добрата врска значи прифаќање на добрите и лоши страни на личноста со која сме одлучиле да бидеме. Тоа значи прифаќање на нивните лоши навики, нивниот начин на однесување и размислување.
Конфликтите не треба да ја уништуваат врската.
Тие се здрав дел од врската и постојат секаде. Но, ако по секоја кавга размислувате да си заминете, тогаш тоа не е добра врска. Напротив, тие треба да придонесат за зајакнување на врската и поголемо разбирање.
Не треба да се преправате дека сте некој кој не сте за да ги импресионирате.
Во добрата врска со вистинската личност не мора да се преправате дека сте нешто што не сте за да ја импресионирате личноста. Таа ве прифаќа онакви какви што сте и ви дава поддршка и љубов. Личноста која ве сака секогаш ќе ви помага да се чувствувате добро за себеси.
Чувствувате задоволство и спокој.
Во добрата врска не сте под стрес, не се трудите постојано да ги поправате работите, туку уживате во времето поминато со саканата личност. Конфликтите секогаш постојат, но превагнува љубовта и убавите моменти.
извор: скопје24
