За месечните крварења треба да се зборува отворено и секоја девојка и жена треба да знае што се случува со нејзиното тело во „оние“ денови.
Иако девојките и жените крварат секој месец, некои нешта не се до крај разјаснети, па затоа треба да се знаат следниве шест факти:
1.Може да се забремени за време на менструација
Веројатноста тоа да се случи само значајно е намалена во однос на другите денови, но не значи и дека не постои. Затоа, не треба да се потпирате на „неплодноста“ во текот на менструацијата.
2. Не сте најплодни на денот на овулација
3. Нарушените месечни циклуси навестуваат и на здравствени проблеми
Неправилните крварења од каков било облик се предизвикани од многу причини: земање орална контрацепција, стрес, слабеење или качување телесна тежина, па сè до потешки болести како рак на грло на матка или рак на јајници.
4. Волт Дизни има снимено филм за менструацијата
Во 1946 година, Дизни направил едукативен анимиран филм за менструацијата. Се верува дека во тој филм првпат јавно е употребен зборот „вагина“.
5. Истекува мала количина крв
Иако на многу девојки и жени им се чини дека имаат преобилни менструации, факт е дека губат максимална количина крв што може да ја собере во шолјичка за кафе.
6. Просечната возраст на добиена прва менструација паѓа
Некогаш тинејџерките добивале прв месечен циклус на 14, 15 или 16-годишна возраст, некои порано, а некои подоцна. Денеска, просечната возраст е падната на 12 години. Постојат повеќе можни причини за тоа, меѓу кои и општиот стрес, еколошките услови и променетата исхрана.
