Што се случува откако љубовта ќе заврши? Дали сите наши емоции исчезнуваат со раскинувањето на емотивната врска, а што ако не е така? Уште полошо, што ако тие се присутни само на едната страна, додека другата страна веќе продолжила понатаму?
Веста за бракот на бившиот партнер никогаш не е лесна, колку и да се сметаме за „исцелени“, особено ако се уште стоиме во место.
Па, како да се справиме со информациите што нè повредуваат или ни го кршат срцето?
1. Поставете граници со заедничките пријатели
Доколку сепак одржувате контакт со заеднички пријатели, кажете им дека не ве интересираат деталите и да не ве информираат за настанот.
– Некои од вашите пријатели ќе почнат да ви раскажуваат приказни со добра намера, можеби дури и ќе „удираат“ по новата избраничка на вашата поранешна за да ве утешат, но тоа не е решението. Решението е во тоа да не знаете ништо – вели психологот Никол Мекенс.
2. Не им честитајте
– Прочитав дека луѓето мислат дека е во ред да му честитаат на бившиот партнер ако имале пријателско раскинување. Мислам дека тоа не е во ред. Треба да оставите минатото да почива во минатото – посочува Никол.
3. Отследете ги од социјалните мрежи
Никол охрабрува дека бившите немаат што да бараат на листата на следбеници. Таа советува дека би било здраво да ги следите семејството, роднините и блиските пријатели (со кои не сте блиски), бидејќи тоа е „маѓепсан круг“.
– Кога ги следите, немојте да ги проверувате. Тоа е мазохистичко. Таквата љубопитност е еднаква на самоказнување – вели Мекенс.
4. Размислете за сите причини поради кои раскинавте
Ваквите настани можат да создадат минијатурни трауми што ќе ве натераат да се запрашате дали сте го направиле вистинскиот избор да ја напуштите врската.
– Не правете грешка да се сеќавате на убавите моменти. Вие веќе не сте со таа личност. Потсетете се зошто е тоа така – советува Никол.
5. Опкружете се со луѓе кои ве сакаат и почитуваат
Откривањето дека вашиот поранешен продолжил понатаму може да биде убиец на самодовербата.
Опкружете се со пријателите, побарајте дополнителна поддршка или побарајте малку дополнителна валидација од нови додворувачи.
извор:popara.mk
фото:shutterstock
