Дотерување, пеперутки во стомакот, размислување за прашања и одговори се само дел од првиот состанок.
Неизвесноста како ќе помине првата средба со потенцијалниот партнер може да не држи во неизвесност до последен момент. Но, што следи по ова романтично поминато време?
Потоа доаѓа познатото прашање – дали да ги исконтактирате веднаш по состанокот?
Кое е правилото на три дена?
Ова правило вели дека треба да почекате најмалку три дена по состанокот пред повторно да го контактирате лицето. Наводното правило потекнува од САД и стана популарно првенствено преку филмови и серии.
Но, ќе признаете, во реалниот живот, не е секогаш сè инсценирано според најдоброто сценарио.
Едно можно објаснување зошто постои ова „правило“ е дека сакате да покажете интерес, но да не бидете премногу наметливи. Со тоа што чекате да поминат три дена, вие и другата личност добивате доволно време да размислите за вашиот состанок и секој од вас да го направи првиот потег откако ќе се видите.
Но, има и критики за ова правило, бидејќи се смета за манипулативно и непотребно комплицирано.
Дали функционира правилото за три дена?
Ова правило важи, но само доколку самиот состанок поминал добро.
Личноста со која сте излегле може брзо да изгуби интерес доколку се јавите веднаш по состанокот, бидејќи не сте дозволиле да се „смират“ впечатоците од состанокот.
Кога е добро време да се јавите?
Не постои универзален одговор на ова прашање бидејќи секој човек и секој состанок е различен.
Некои луѓе претпочитаат да испратат порака веќе следниот ден за да покажат дека се заинтересирани. Други претпочитаат да чекаат неколку дена за да не изгледаат премногу наметливи.
Сепак, важно е да бидете искрени и да ги искажете своите чувства. Ако сте убедени дека вашиот „дејт“ бил позитивен, треба да ѝ кажете на личноста со која сте излегле.
Повторно, ако од друга страна не сте заинтересирани за понатамошно гледање, фер е да го разјасните тоа.
На крајот, верувајте му на вашето чувство и постапете соодветно.
Извор: Попара.мк
