Пејачката Бранка Соврлиќ се отвори и проговори за почетокот на нејзината кариера, а во таа прилика истакна дека нејзиниот пат во поп музиката бил трнлив.
Бранка тврди дека нејзината прва песна отишла во рацете на нејзината колешка Лепа Брена, а неа за тоа никој ништо не ја прашал.
Имено, таа откри како денес големата фолк ѕвезда ја саботирала уште на почетокот на кариерата, кога во 1984 година го украла нејзиниот хит „Речите му да га волим“, кој како што тврди таа прва го отпеала.
– Сè се случи во 1984 година, кога како почетник дојдов до тогаш најдобриот композитор и хитмејкер Миша Марковиќ, поп магионичар кога се во прашање песните. Иако веќе имав отпеано четири песни кои многу ми се допаднаа, тој наеднаш ми рече дека нема да добијам две од песните бидејќи едната оди кај Брена – вели Бранка, која тогаш била скршена и бесно ги одбила преостанатите две песни кои сакаше да и даде.
Како што продолжува Соврлиќ, Лепа Брена во нејзиниот тогашен албум ја објави песната „Речите му да га волим“, додека Бранка набрзина ја објави својата прва плоча „Требаш ми“, на која немаше забележителни песни.
Фото: Принтскрин/Инстаграм
