Во зима, фустаните можеби не се првото парче облека што ќе ви падне на ум кога се облекувате во студените јануарски и февруарски утра. Но, тие се исто така практични и ви овозможуваат да изгледате модерно и да бидете удобни во исто време.
За деновите кога немате желба да се средувате премногу или кога само сакате да извлечете нешто од плакарот, без пеглање, овие фустани се идеални. Изработени од доволно топол материјал за да ве стоплат, тие се одличен стилски потег со избор на вистинските хулахопки.
Овие фустани можат да бидат и за дење и ноќе, а најдобро е што можете да ги носите со какви било чевли или со било која јакна – не е важно дали е елегантно палто или ветровка со качулка.
Силуетите со долги ракави и интересниот крој на здолништето го прават фустанот доволно пријатен за на отворено, но и доволно удобен за деновите поминати дома. Има ли нешто подобро од едноделен аутфит?
View this post on Instagram
Плисиран фустан
Плисираните здолништа се вратија во мода пред неколку години, а останаа поради дозата на елеганција што ја даваат на целокупната комбинација. Овој фустан со долги ракави и ролка е интересен со врзувањето на половината, кое доволно ќе ја истакне вашата фигура. Изберете високи чизми за поелегантни опции, длабоки чизми за секојдневни. Без чизми до глужд, бидејќи визуелно ќе ве скратат.
View this post on Instagram
„Oversized“ волнен фустан
Ова е фустан кој ќе ви послужи во ситуации кога немате желба да се спремате, а сакате да оставите впечаток. Секогаш избирајте помеѓу бела или беж, а ако деновите се малку потопли, идеално би било да го носите со кожна моторџиска јакна и мартинки.
Плишан фустан
Покрај светки, плишот е исто така многу застапен кога сакате да го задржите духот на празничниот аутфит. Доброто е што овој фустан може да се користи и дење и ноќе, во зависност од кројот.
Кога станува збор за плиш, секогаш избирајте некои потемни бои, како зелена, бордо или темно сина, а за останатото не грижете се – материјалот е веќе доволно ефикасен, па додатоците сведете ги на минимум.
извор:Попара.мк
