Можеби на почетокот не знаете, но кога – тогаш ќе знаете дали партнерот ве изневерува.
Ќе забележите мали знаци кои ќе покажат дека нешто не е во ред и дека треба да внимавате бидејќи луѓето кои лажат на овој начин манипулираат со луѓето.
– Лажговците имаат помалку каење од чесните луѓе, така што нивните сигнали за говорот на телото можат да бидат помалку очигледни. Исто така, човек кој ја кажува вистината под притисок лесно може да изгледа виновен и да делува неубедливо, поради што постои опасност да дојде до погрешен заклучок – вели таа.
Кажувањето на вистината бара многу помалку време отколку измислувањето лага. Поради ова, лажговците често имаат долги паузи пред да ја започнат својата приказна. Тие се обидуваат да ги прикријат своите вистински чувства и да се однесуваат поинаку отколку што треба. Сето ова бара темелна подготовка. Подигнатите веѓи, пелтечењето и повторувањето на речениците ќе ви кажат дека вашиот партнер не е искрен.
Избегнување на контакт со очите
Лажговците имаат најголем проблем со контролата на рацете, очите и стапалата, а тоа е добро познат факт. На пример, играчите на покер често носат очила за време на играта, се со цел другите натпреварувачи да не можат да ги откријат нивните тактики. Исто така, оние кои лажат се трудат да не го гледаат соговорникот директно во очи, а токму тоа може да открие дека не се искрени.
Премногу движења на рацете
Ако забележите дека вашиот партнер зборува премногу брзо или гестикулира повеќе од вообичаено, тоа може да укаже дека тој не ја кажува вистината. Кога некој мавта со рацете, тој често има за цел да го одвлече вниманието од неговото лице, додека мажот понекогаш, за време на гест, ќе ги покаже дланките и ќе ги рашири рацете, како да сака да ве увери дека ништо не крие од вас.
Покер израз на лице
Овој израз на лицето е познат под името „покер фаца“, а се однесува на неутрален израз, со кој соговорникот се обидува да го скрие она што навистина го чувствува. Ако ви се чини дека партнерот ви изгледа премногу вкочанет или неприроден, големи се шансите дека тој навистина ве лаже.
Искривена насмевка
Кога сме искрени, изразот на лицето е главно симетричен, додека, да речеме, лажењето, може да создаде асиметричен израз, кога устата се обидува да се насмее, што доведува до крива насмевка.
Вербални и невербални сигнали
Ако зборовите ви кажуваат едно, а говорот на телото покажува нешто друго, тогаш што? Во такви ситуации, само запомнете дека е полесно да лажете со зборови отколку со дела.
Мали ритуали
Секој од нас има „слаба точка“, односно ритуал кој несвесно го создаваме додека лажеме. На пример, некој ќе седне и ќе ги прекрсти нозете додека лежи, некој ќе ги прекрсти рацете додека зборува, а некој ќе го чеша грбот. Забележете дали вашиот партнер прави нешто од ова или нешто слично на ова.
извор:попара.мк
