Ако сте некој кој бара љубов, не ви е чудно да слушнете дека некој бара само „случајна врска“ или „пријатели со придобивки“. Иако на почетокот можеби ви е добро со ова, може да настанат проблеми кога едниот очекува премногу од другиот. Потоа се појавува чувство на празнина и тоа веќе не е само задоволство, таа врска тогаш станува ваш најголем товар.
Згора на тоа, да се откажете од тоа или да ставите крај на врска без обврски со некој со кој се гледате секоја втора недела е срцепарателно. За некои тоа е исто како вистинско раскинување и боли со ист интензитет.
Затоа, еве неколку начини на кои можете да ставите крај на ваквата врска на здрав начин.
Немојте само да исчезнете
Се разбира, не им должите ништо, но сепак разговарајте. Спомнете дека на оваа врска не ја гледате исто и дека не сакате да го повредите партнерот или себе си поради лажни очекувања.
Бидете љубезни
Додека ја објаснувате причината за раскинувањето, бидете нежни и со почит. Можете да кажете нешто како: “Уживав во времето со тебе. Да бидам искрен, почнав да размислувам за тебе романтично и тоа може да ги комплицира работите меѓу нас. Затоа е подобро да ги завршиме работите тука и да престанеме да гледаме”.
Или ако сте забележале дека вашиот партнер има чувства кон вас, а не сакате да го подигнете тоа на повисоко ниво, објаснете му дека тоа не било вашиот договор првично и дека не сте дале лажни ветувања.
Не ги игнорирајте чувствата
На почетокот, можно е да се спротивставите на емоциите или да се однесувате контролирано кон емоциите и само да уживате во друштвото и другите придобивки, но кога се ќе заврши, човек е под влијание на сите емоции што го придружуваат секое раскинување. Затоа, не ги отфрлајте вашите чувства премногу долго – прегрнете ги.
Запознајте се себеси
Ако сте романтичар и некој што сака да сака и да биде сакан, тогаш е добра идеја воопшто да не влегувате во вакви врски. Дури и ако вашиот партнер е многу љубезен и дарежлив, но не бара ништо сериозно, намалете ги вашите очекувања.
Извор:Курир
