Ако не сакате остатокот од животот да го минете со личност која ве изневерува, тогаш треба да научите како да ги препознаете знаците кои предупредуваат на тоа.
Одредени знаци покажуваат промени во однесувањето на партнерот укажуваат дека постои шанса тој да ве изневерува.
1. Троши повеќе пари од претходно
Одржувањето на повеќе од една врска чини пари. Ако барате знак за тоа дали вашиот партнер е неверен, едноставно обрнете внимание на тоа колку пари има кај себе. Ако е прилично таинствен кога станува збор за парите и ако користи повеќе готовина од претходно, тоа би можело да биде знак дека се гледа со некого. Картичките се полесни за следење, додека готовината е совршено алиби.
2. Ја напушта просторијата кога му ѕвони телефонот
Секогаш имајте на ум, начинот на кој една личност се однесува кон својот телефон е главен показател на нејзината верност. Ако ја напушта просторијата во која е со вас секојпат кога ќе му заѕвони телефонот, наводно затоа што е прегласно и не може да слуша, сметајте дека тоа е плиток изговор. Ако нема што да крие ќе се јави на повикот додека е покрај вас.
3. Помалку или воопшто не е интимен со вас
Ова е најсилниот црвен аларм што треба да се вклучи. Ако сте забележале дека е помалку интимен со вас од претходно, тоа е знак дека има некој трет меѓу вас. Ако тој нема потреба да води љубов со вас и го одбива секој ваш обид да му пријдете, тоа укажува на фактот дека е неверен и треба да си продолжите без него.
4. Бели лаги
Штом лагите се разоткријат, тогаш сфаќате дека нешто не е во ред. На вашето прашање каде бил ако одговори на работа, а ден потоа дознаете дека бил кај пријател, веројатно ќе се прашате зошто ве излажа. Ако има потреба да лаже, да крие нешто, тогаш зошто да имате доверба во него?
Ако лаже за такви мали, безначајни работи, запрашајте се за што уште може да ве лаже.
